પાટણમાં એક યુવકે સર્જ્યો અકસ્માત, કારમાંથી પોલીસ લખેલું પાટીયું, દારૂની બોટલ મળી આવી

ફરી એકવાર દારૂના નશામાં હોવાની શંકા સાથે પોલીસ દ્વારા એક યુવકની અકસ્માત કરવા મામલે અટકાયત કરવામાં આવી છે. પાટણના રાધનપુરમાં એક ચોંકાવનારી ઘટના સામે આવી છે. પોલીસ પુત્રની કારની ટક્કરે બાઇક ચાલક આવ્યો છે. અકસ્માતની ઘટનામાં બાઇક ચાલકને નાની મોટી ઇજા પહોંચી હોવાનું સામે આવ્યું છે. બીજી તરફ અકસ્માત બાદ સ્થાનિકો દ્વારા કાર ચાલકની અટકાયત કરવામાં આવી છે. સાથે જ પોલીસને જાણ કરવામાં આવતા ટીમ તુરંત સ્થળ પર દોડી આવી છે અને આગળની વધુ કાર્યવાહીની તજવીજ હાથ ધરવામાં આવી રહી છે. ઘટનાને પગલે પંથકમાં દારૂબંધીની અમલવારીને લઇને તરહ તરહની લોકચર્ચાઓએ સ્થાન લીધું છે.
પાટણના રાધનપુર પાસે આવેલી નર્મદા નિગમની કચેરી પાસે કાર ની અડફેટે બાઇક આવતા અકસ્માત સર્જાયો છે. આ અકસ્માતની ઘટનામાં કાર ચાલકની સ્થાનિકો દ્વારા અટકાયત કરવામાં આવી છે. કારમાંથી પોલીસ લખેલું પાટીયું મળી આવ્યું છે. સાથે જ સીટ પરથી છે. અકસ્માત સર્જનાર કાર ચાલક નશામાં હંકારતો હોવાની પ્રાથમિક માહિતી સપાટી પર આવી રહી છે.
વધુમાં આ મામલે સૂત્રો દ્વારા મળતી માહિતી મુજબ, કારની અડફેટે આવેલા બાઇક ચાલકને નાની-મોટી ઇજાઓ પહોંચી છે. ઘટના અંગે પોલીસને જાણ કરાતા ટીમ તુરંત દોડી આવી છે. અને અકસ્માત સર્જનાર કાર અને શખ્સની અટકાયત કરીને વધુ કાર્યવાહીની તજવીજ હાથ ધરવામાં આવી રહી છે. આ ઘટનામાં આગળ શું કાર્યવાહી થાય છે તેના પર સૌ કોઈની નજર રહેશે.