૩ જુલાઈથી અમરનાથ યાત્રા શરૂ થશે, સુરક્ષામાં વધારો, યાત્રાળુઓ માટે સુવિધાઓમાં સુધારો: ત્નશ્દ્ભ એલજી મનોજ સિંહા

જમ્મુ અને કાશ્મીરના લેફ્ટનન્ટ ગવર્નર મનોજ સિંહાએ બુધવારે જણાવ્યું હતું કે વાર્ષિક અમરનાથ યાત્રા ૩ જુલાઈથી શરૂ થશે, જેમાં વહીવટીતંત્ર યાત્રાળુઓની સલામતી, લોજિસ્ટિક્સ, આરોગ્યસંભાળ અને પર્યાવરણીય વ્યવસ્થાપનની દ્રષ્ટિએ સંપૂર્ણપણે તૈયાર છે. યાત્રા પહેલા મીડિયાને સંબોધતા, સિંહાએ શ્રી અમરનાથ શ્રાઇન બોર્ડ (જીછજીમ્) અને ત્નશ્દ્ભ વહીવટીતંત્ર દ્વારા કરવામાં આવેલી વ્યાપક વ્યવસ્થાઓની વિગતવાર માહિતી આપી, અને ભાર મૂક્યો કે વાસ્તવિક સમયની દેખરેખ સુનિશ્ચિત કરવા માટે દરેક યાત્રાળુ માટે ઇહ્લૈંડ્ઢ ટ્રેકિંગ ફરજિયાત બનાવવામાં આવ્યું છે.
“રૂટ પરના તમામ મુખ્ય સ્થળોએ ઉચ્ચ-ગુણવત્તાવાળા સર્વેલન્સ કેમેરા લગાવવામાં આવ્યા છે. બધા બેઝ કેમ્પ અને યાત્રાધામના સમગ્ર પટ પર ત્રણ-સ્તરીય સુરક્ષા વ્યવસ્થા ગોઠવવામાં આવી છે,” તેમણે કહ્યું. સુરક્ષા કર્મચારીઓની સંખ્યામાં વધારો કરવામાં આવ્યો છે, અને મોક ડ્રીલ પહેલાથી જ હાથ ધરવામાં આવી છે. આ વર્ષે આરોગ્ય માળખાને પણ પ્રોત્સાહન મળ્યું છે, દરેક બેઝ કેમ્પ પર ૧૦૦ બેડની હોસ્પિટલો સ્થાપિત કરવામાં આવી છે, અને વધારાની કટોકટી તબીબી ટીમો સ્ટેન્ડબાય પર છે.
પર્યાવરણીય મોરચે, ગ્રામીણ વિકાસ વિભાગ સ્વચ્છ અને હરિયાળી યાત્રા કોરિડોર જાળવવા માટે તેના પ્રયાસો ચાલુ રાખી રહ્યું છે. “ગયા વર્ષથી, અમે સફળતાપૂર્વક શૂન્ય-કચરો યાત્રા સુનિશ્ચિત કરી છે – એક વલણ જેને અમે આ વર્ષે પણ મજબૂત બનાવવાનું લક્ષ્ય રાખીએ છીએ,” ઉપરાજે ઉમેર્યું.
પહેલગામ હુમલા બાદ નોંધણીમાં ૧૦% ઘટાડો, આ વર્ષે કોઈ હેલિકોપ્ટર સેવા નહીં
જાેકે, સિંહાએ ૨૨ એપ્રિલના પહેલગામ આતંકવાદી હુમલા બાદ નોંધણીમાં ઘટાડો સ્વીકાર્યો જેમાં ૨૬ લોકો માર્યા ગયા હતા. “નોંધણીમાં લગભગ ૧૦% ઘટાડો થયો છે, પરંતુ હવે સંખ્યા ફરી વધી રહી છે. લોકોનો વિશ્વાસ પાછો ફરી રહ્યો છે, અને મને આશા છે કે તે વધતો રહેશે,” તેમણે કહ્યું. હુમલા પહેલા, ૨.૩૬ લાખ યાત્રાળુઓએ યાત્રા માટે નોંધણી કરાવી હતી.
સુરક્ષા પરિસ્થિતિને ધ્યાનમાં રાખીને, ઉપરાજ્યપાલે ખાનગી વાહનોમાં મુસાફરી કરનારાઓ સહિત તમામ યાત્રાળુઓને જમ્મુથી બેઝ કેમ્પ સુધી ફક્ત સુરક્ષા કાફલા સાથે જ મુસાફરી કરવા વિનંતી કરી. સિન્હાએ એ પણ પુષ્ટિ આપી કે સુરક્ષા અને લોજિસ્ટિકલ કારણોસર આ વર્ષે હેલિકોપ્ટર સેવાઓ ઉપલબ્ધ રહેશે નહીં.
૨૦૨૪ ની અમરનાથ યાત્રા ૫૨ દિવસ ચાલશે, જે શ્રાવણ પૂર્ણિમાના રોજ સમાપ્ત થશે, જે ૨૪ ઓગસ્ટના રોજ આવે છે.