અમરેલી SOG પોલીસ દ્વારા ૧ શંકાસ્પદ મૌલાનાની અટકાયત

વોટ્સએપમાંથી પાકિસ્તાન અને અફઘાનિસ્તાનના સાત જેટલા શંકાસ્પદ ગ્રુપ મળતાં પોલીસે

જમ્મુ કાશ્મીરના પહેલગામમાં થયેલા આતંકી હુમલા બાદ સમગ્ર દેશ સાથે ગુજરાત પોલીસ વધુ એલર્ટ મોડ પર કામ કરી રહી છે ત્યારે અમરેલી જિલ્લાના હિમખીમડીપરા વિસ્તારમાં આવેલી મદરેસાના મૌલાનાનું પાકિસ્તાન કનેક્શન મળી આવ્યું છે. મૌલાનાના મોબાઇલમાંથી “પાકિસ્તાન” અને “અફઘાનિસ્તાન” ના સોશિયલ મીડિયામાં ગ્રૂપ મળી આવતાં એસઓજીની ટીમ ચોંકી ઉઠી હતી. આ મામલે ધારી પોલીસ મથકે જાણવાજાેગ ફરિયાદ પણ દાખલ કરવામાં આવી છે. અમરેલી એસઓજીએ શંકાસ્પદ મૌલાનાની તપાસનો ધમધમાટ શરુ કરી દીધો છે. તેમજ સ્પેશ્યલ ઓપરેશન બ્રાન્ચ (ર્જીંય્)ની ટીમ દ્વારા મોબાઈલ કબ્જે લઈ ફોરેન્સિક તપાસ શરૂ કરી છે. પૂછપરછ દરમ્યાન મૌલાના અમદાવાદ શહેરના જુહાપુરાનો રહેવાસી હોવાની વિગતો મળી છે. ત્યારે અમરેલી એસ.ઓ.જી.દ્વારા તપાસ શરૂ કરાઈ છે. ધારીમાં તે કેટલા સમયથી રહેતો હતો અત્યાર સુધી અહીં કોણ કોણ આવતું હતું પાકિસ્તાનમા કોના કોના સંપર્ક હતો તેને લઈ પોલીસ તપાસ કરી રહી છે.
આ મામલે પ્રાપ્ત માહિતી અનુસાર ધારીના હિમખીમડીપરા વિસ્તારમાં આવેલી મદરેસાના મૌલાનાનું પાકિસ્તાન સાથે કનેક્શન હોવાની આશંકા વ્યક્ત કરવામાં આવી રહી છે. અમરેલી એસઓજીને તપાસ દરમિયાન માહિતી મળી હતી કે હિમખીમડીપર વિસ્તારમાં આવેલી મદરેસામાં મૌલાના મોહંમદફઝલ અબ્દુલઅઝીઝ શેખ ગેરકાયદે રીતે વસવાટ કરે છે.
ધારીના હિમખીમડીપરાના મદ્રેસામાં ભણાવતા મૌલાના મોહમદફઝલ અબ્દુલઅઝિઝ શેખ પર ર્જીંય્ને શંકા જતાં તેના આધાર પુરાવા માગ્યા હતા. જાેકે, મૌલાનાએ કોઇ આધાર પુરાવા રજૂ ન કરતાં ર્જીંય્એ ધારી પોલીસ મથકે લાવીને તેની પૂછપરછ કરતાં તે મૂળ અમદાવાદના જુહાપુરાનો રહેવાસી હોવાનો ખુલાસો થયો છે. પોલીસે મૌલાના મોહમદફઝલ અબ્દુલઅઝિઝ શેખ સામે જાણવાજાેગ દાખલ કરીને તેનો મોબાઇલ કબ્જે લઇને મોબાઇલની ઊંડાણ પૂર્વક તપાસ કરતાં મોબાઇલમાંથી સાત પાકિસ્તાન અને આફઘાનિસ્તાનના ગ્રુપ મળી આવ્યા છે. જેની પોલીસ હાલ તપાસ કરી રહી છે. આ કેસની તપાસ ર્જીંય્ના ઁૈં આર.ડી.ચૌધરી ચલાવી રહ્યા છે. આ અંગે અમરેલી જિલ્લા પોલીસ વડા સંજય ખરાતે જણાવ્યું છે કે, મૌલાનાની શંકાસ્પદ પ્રવૃતિઓ લાગતા તેની અટકાયત કરીને પૂછપરછ કરતા તેનું પાકિસ્તાની કનેક્શન હોવાનું લાગી રહ્યું છે. જાેકે, હજી તેની પૂછપરછ ચાલુ છે.