જિલ્લા કક્ષાની વુશું સ્પર્ધામાં ગણેશ શાળા ટીમાણાના બાળકોએ મેળવ્યા 18 મેડલ

SGFI શાળાકીય રમતોત્સવમાં ભાવનગર (ગ્રામ્ય)ની જિલ્લા કક્ષાની વુશું સ્પર્ધામાં ગણેશ શાળા-ટીમાણાના ખેલાડીઓએ શાનદાર પ્રદર્શન કરી ગણેશ શાળા – ટીમાણાનું નામ રોશન કર્યું છે. આ સ્પર્ધામાં શાળાના 5 વિદ્યાર્થીઓએ ગોલ્ડ મેડલ, 8 વિદ્યાર્થીઓએ સિલ્વર મેડલ તથા 5 વિદ્યાર્થીઓએ બ્રોન્ઝ મેડલ જીત્યા હતા. આ સાથે ગણેશ શાળા – ટીમાણાના વિદ્યાર્થીઓએ કુલ 18 મેડલ મેળવીને જિલ્લા કક્ષાએ ઐતિહાસિક પ્રદર્શન કર્યું હતું. આ તમામ વિજેતા ખેલાડીઓ હવે રાજ્ય કક્ષાની વુશું સ્પર્ધામાં ભાવનગર જિલ્લાનું પ્રતિનિધિત્વ કરશે. આ ઐતિહાસિક સિદ્ધિ મેળવનાર તમામ ખેલાડીઓ તથા તેમને માર્ગદર્શન પૂરું પાડનાર વ્યાયામ શિક્ષકશ્રી નિલેશભાઈ બાંભણિયા તથા પ્રવિણભાઇ પંડ્યાને ગણેશ શાળા ટીમાણા પરિવારે રાજ્ય કક્ષાની સ્પર્ધા માટે હાર્દિક શુભેચ્છાઓ પાઠવી હતી.