ગૂજરાત વિદ્યાપીઠ દ્વારા સ્વદેશી – સ્વાવલંબન – સરદાર – સ્નાતક વગેરે થીમ પર આધારિત  ગ્રામજીવન સ્વાવલંબન યાત્રા પ્રારંભ

અમરેલી મહાત્મા ગાંધી સ્થાપિત ગૂજરાત વિદ્યાપીઠ દ્વારા તા 10-15 નવેમ્બર, 2025 દરમિયાન સમગ્ર ગુજરાત રાજ્યમાં સ્વદેશી – સ્વાવલંબન – સરદાર – સ્નાતક વગેરે થીમ પર આધારિત  ગ્રામજીવન સ્વાવલંબન યાત્રા – 2025 યોજાયેલ છે. આ ગ્રામ જીવનયાત્રા એક ઘટક તરીકે અમરેલી જિલ્લામાં ગૂજરાત વિદ્યાપીઠના અમરેલી જિલ્લાના વતની 63 વિદ્યાર્થીઓની છ ટુકડીઓ અને છ માર્ગદર્શકો આજથી કાર્યરત થયા છે. સમગ્ર અમરેલી જિલ્લાની આ યાત્રાના કો ઓર્ડીનેટરશ્રી પ્રો ડાહ્યાભાઈ એમ પટેલ તથા માર્ગદર્શક શ્રી જીગરભાઈ વ્યાસ, શ્રી રાકેશભાઈ રાઠોડ, શ્રી ટ્વિંકલબેન રાણા વગેરે માધ્યમિક તથા ઉચ્ચતર માધ્યમિક શાળાઓમાં સરાહનીય ભૂમિકા અદા કરી રહ્યા છે.