ખેડા જિલ્લામાં આવેલ નવાગામના મહિલા સારવાર દરમિયાન બ્રેઇન ડેડ થતાં પતિનો અંગદાનનો હ્રદયસ્પર્શી ર્નિણય

૭૨ કલાકની અંદર હોસ્પિટલમાં સતત ૨ અંગદાન થયા. જેના થકી ૭ જેટલા જરુરીયામંદોને નવજીવન મળ્યુંઅમદાવાદ સિવિલ હોસ્પિટલના અંગદાનના સેવાયજ્ઞ ના કારણે છેલ્લા ૭૨ કલાકની અંદર હોસ્પિટલમાં સતત ૨ અંગદાન થયા. જેના થકી ૭ જેટલા જરુરીયામંદોને નવજીવન મળ્યું છે. સિવિલ હોસ્પિટલમાં અત્યાર સુધીમાં ૧૭૯ બ્રેઇન ડેડ વ્યક્તિના અંગદાન થકી ૫૬૫ જરૂરીયાતમંદને જીવનદાન મળ્યું છે.

અમદાવાદ સિવિલ હોસ્પિટલમાં થયેલા ૧૭૯માં અંગદાનની વાત કરીએ તો, ખેડા જિલ્લાના નવાગામના વતની દક્ષાબેન ગોહિલને તારીખ ૧૭ ફેબ્રુઆરીના રોજ ફેક્ટરીમાં મજુરી કામે જતા ખેડા પાસે નવાગામ નગરી ખાતે અકસ્માત સર્જાયો હતો. જેમાં માથાના ભાગે ગંભીર ઇજા થતા તા.૧૭/૦૨/૨૦૨૫ ના રોજ સારવાર અર્થે પ્રથમ ખેડા સિવિલ હોસ્પિટલ અને ત્યારબાદ તે જ દિવસે સિવિલ હોસ્પિટલ અમદાવાદ ખાતે લાવવામાં આવ્યા હતા. સિવિલ હોસ્પિટલમાં આઇ.સી.યુ (ૈંઝ્રેં)માં સઘન સારવાર દરમિયાન તા.૨૪/૦૨/૨૦૨૫ના રોજ ડૉક્ટરોએ દક્ષાબેન ગોહેલને બ્રેઈનડેડ જાહેર કર્યા હતા.
અમદાવાદની સિવિલ હોસ્પિટલના ડૉક્ટરોની ટીમે દક્ષાબેન ગોહિલના પરિવારજનોને તેમની બ્રેઈન ડેડ અવસ્થા વિશે સમજાવવામાં આવ્યા હતા. ૧૦ વર્ષની દીકરી અને ૭ વર્ષના દીકરા એમ ૨ બાળકોના માતા એવા દક્ષાબેનની અચાનક આવી પડેલી આવી વિકટ પરિસ્થિતીમાં પણ તેમના પતિ સુરેશભાઇએ પોતાની લાગણીઓ અને દુઃખને ભૂલીને અન્ય કોઇ ભુલકાઓના માથેથી તેમની માતા કે પિતાની છત્રછાયા ન જાય તે લાગણી સાથે પત્નીના અંગોનું દાન કરવાનો ર્નિણય કર્યો.

આ સમગ્ર મામલે અમદાવાદ સિવિલ હોસ્પિટલનાં તબીબી અધિક્ષક ડૉ. રાકેશ જાેષીએ જણાવ્યું હતું કે, આ અંગદાન થકી સિવિલ હોસ્પિટલ દ્વારા અત્યાર સુધીમાં કુલ ૫૮૩ અંગોનું દાન મળેલ છે. જેના થકી ૫૬૫ વ્યકિતઓને જીવનદાન મળ્યુ છે. દાનમાં મળેલ ૨ કિડની અને ૧ લીવરને સિવીલ મેડીસીટી કેમ્પસની કિડની હોસ્પિટલમાં અને હ્રદય ને યુ. એન. મેહતા હોસ્પિટલમાં જરૂરિયાતમંદ દર્દીમાં પ્રત્યારોપણ કરવામાં આવશે. અત્રે ઉલ્લેખનીય છે, સિવિલ હોસ્પિટલમાં અત્યાર સુધીમાં ૩૨૪ કિડની, ૧૫૬ લીવર, ૫૫ હ્રદય, ૩૦ ફેફસા , ૧૦ સ્વાદુપિંડ, ૨ નાના આંતરડા, ૬ હાથ, ૫ સ્કીન અને ૧૨૦ આંખોનું દાન મળ્યું છે?.