International Women’s Day 2022: 50ની ઉંમર બાદ દરેક મહિલાએ કરાવવો જોઈએ આ 6 ટેસ્ટ, બની શકે છે જીવન રક્ષક

પુરુષોની સરખામણીએ મહિલાઓના શરીરમાં ઉંમરની સાથે વધુ ફેરફાર જોવા મળે છે. જેના કારણે ઉંમરની સાથે તેમનામાં સ્વાસ્થ્ય સમસ્યાઓ પણ વધુ જોવા મળે છે. પરંતુ તેમના સ્વાસ્થ્ય પ્રત્યે જાગૃત ન હોવાને કારણે તેઓ સરળતાથી ગંભીર સમસ્યાઓથી ઘેરાઈ જાય છે. OnlyMyHealth અનુસાર, આવી સ્થિતિમાં જો યોગ્ય સમયે હેલ્થ ચેકઅપ કરાવવામાં આવે તો મહિલાઓ ઘણી બીમારીઓથી બચી શકે છે. 50ની ઉંમર બાદ મહિલાઓએ કેટલાક ટેસ્ટ કરાવવા જોઈએ….

50 વર્ષની ઉંમરે મહિલાઓ માટે જરૂરી પરીક્ષણો

નિયમિત રક્ત પરીક્ષણ
દર વર્ષે એક વખત નિયમિત રક્ત પરીક્ષણ કરવું આવશ્યક છે. આ એક બેઝિક ટેસ્ટ છે જેની મદદથી તમે કોલેસ્ટ્રોલ લેવલ, બ્લડ સુગર, કિડની અને લીવરની કામગીરીનો સચોટ ખ્યાલ મેળવી શકો છો.

મેમોગ્રામ પરીક્ષણ
સ્તન કેન્સરની સમસ્યાનું નિદાન મેમોગ્રામ ટેસ્ટની મદદથી થાય છે. આજના સમયમાં મહિલાઓમાં સ્તન કેન્સરની સમસ્યા ઝડપથી વધી રહી છે. આવી સ્થિતિમાં મહિલાઓએ 50 વર્ષની ઉંમરે આ ટેસ્ટ કરાવવો જોઈએ.

બોન ડેન્સીટી ટેસ્ટ
આર્થરાઈટિસ, ઓસ્ટીયોપોરોસીસની સમસ્યાનું નિદાન કરવા માટે બોન ડેન્સીટી ટેસ્ટ ખૂબ જ ઉપયોગી છે. આ ટેસ્ટની મદદથી તમે હાડકાને લગતી સમસ્યા જાણી શકો છો.

લિપિડ પેનલ પરીક્ષણ
લિપિડ પેનલ ટેસ્ટ શરીરમાં કોલેસ્ટ્રોલનું સ્તર દર્શાવે છે. કોલેસ્ટ્રોલ વધવાથી હૃદય રોગનું જોખમ વધી શકે છે.

થાઇરોઇડ પરીક્ષણ
થાઇરોઇડની તપાસ સ્ત્રીઓ માટે ખૂબ જ સામાન્ય છે. થાઇરોઇડ એ ગળામાં જોવા મળતી ગ્રંથિ છે. આ હોર્મોન્સ ઉત્પન્ન કરે છે જે ચયાપચયને નિયંત્રિત કરે છે. થાઇરોઇડ ટેસ્ટ દ્વારા હોર્મોનનું સ્તર તપાસવામાં આવે છે.

પેપ સ્મીયર ટેસ્ટ
સર્વાઇકલ કેન્સરનું નિદાન પેપ-સ્મીયર ટેસ્ટની મદદથી થાય છે. જો તમે યોગ્ય સમયે તમારું હેલ્થ ચેકઅપ કરાવતા રહો તો તમે સમયસર ઘણી ખતરનાક બીમારીઓથી બચી શકો છો.