MSUમાં જુદીજુદી યુનિવર્સિટી ૫ હજાર વિદ્યાર્થીઓ આવશે, કેટલાક મહાનુભાવો લેક્ચર આપશે

એમ.એસ.યુનિવર્સિટી ની ટેકનોલોજી ફેકલ્ટી ખાતે આગામી ૬થી ૮ જાન્યુઆરી દરમિયાન નોન ટેકનિકલ ઇવેન્ટ પરામર્શ ૨૦૨૩ યોજાશે. જેમાં પશ્ચિમ ભારતના વિવિધ રાજ્યોના ૫ હજારથી વધુ વિદ્યાર્થીઓ ભાગ લેશે. તેમજ સ્પેશ સાયન્ટિસ્ટ કિરણ કુમાર તેમજ કિરણ બેદી સહિતના મહાનુંભાવોનો લેક્ચર યોજાશે. વડોદરાની એમ.એસ.યુનિવર્સિટી ખાતે પશ્ચિમ ભારતની સૌથી મોટી નોન-ટેકનિકલ ઇનેવેન્ટ ટેકનોલોજી ફેકલ્ટી ખાતે આગામી ૬, ૭ અને ૮ જાન્યુઆરીના રોજ યોજાશે.

આ અંગે માહિતી આપતા ઇવેન્ટના કો-એર્ડિનેટર વિદ્યાર્થી ઋષભ પરીખે જણાવ્યું હતું કે, છેલ્લા ૨૧ વર્ષથી ટેકનોલોજી ફેકલ્ટીમાં પરામર્શ નામથી નોન ટેકનિકલ ઇવેન્ટ યોજાય છે. આ ગુજરાતની સૌથી મોટી સોફ્ટ સ્કિલ બેઝ ઇવેન્ટ છે. આ વખતે આ ઇવેન્ટમાં ચંદ્રયાન-૧ અને ચંદ્રયાન-૨ પ્રોગ્રામ ડાયરેક્ટ કરનાર પદ્મશ્રી ડો. એ.એસ.કિરણ કુમાર, કિરણ બેદી વિવેક અગ્નહોત્રી સહિતના મહાનુભાવોના ગેસ્ટ લેક્ચર યોજાશે. આ ઇવેન્ટમાં પશ્ચિમ ભારતના વિવિધ રાજ્યોમાંથી ૫ હજારથી વધુ વિદ્યાર્થીઓ ભાગ લેવા માટે વડોદરા આવશે. સાથે જ મ્યુઝિક ઇવેન્ટ પણ થશે જેમાં રાહુલ દુઆ, રીત્વિજ, નિકિતા ગાંધી અને મોહંમદ ઇરફાન પર્ફોર્મન્સ આપશે.