પાકિસ્તાને તેના નાગરિકો માટે અટારી-વાઘા બોર્ડર ગેટ ફરીથી ખોલશે

ભારતના જમ્મુ-કાશ્મીરના પહેલગામમાં પ્રવાસીઓ પર થયેલા આતંકવાદી હુમલા બાદ ભારત અને પાકિસ્તાન વચ્ચે તણાવ વધ્યો છે. આ જ કારણ છે કે ભારત સરકારે પાકિસ્તાન વિરુદ્ધ ઘણી મોટી કાર્યવાહી કરી છે. આમાંનો સૌથી મોટો ર્નિણય તમામ પાકિસ્તાનીઓને ભારત છોડવાનો આદેશ છે.
આ આદેશ જારી થયા પછી, અત્યાર સુધીમાં સેંકડો પાકિસ્તાનીઓ તેમના દેશ પરત ફર્યા છે. બીજી તરફ, ગુરુવારે, ભારતમાં અમૃતસર અને પાકિસ્તાનમાં લાહોર નજીક અટારી-વાઘા સરહદ બંધ કરવામાં આવી હતી.ભારત સરકાર દ્વારા નિર્ધારિત સમયમર્યાદા પૂરી થયા પછી ગુરુવારે લગભગ ૭૦ પાકિસ્તાની નાગરિકો અટારી બોર્ડર પર ફસાયેલા હોવાનું જાણવા મળ્યું છે.
સરહદ પોસ્ટ-ડેડલાઇન બંધ થતાં, ભારતીય કે પાકિસ્તાની નાગરિકોને સરહદ પાર કરવાની મંજૂરી આપવામાં આવી ન હતી. ઇન્ટિગ્રેટેડ ચેક પોસ્ટ (ૈંઝ્રઁ) ની બહાર પાકિસ્તાની નાગરિકોને લઈ જતા વાહનોની લાંબી લાઇન લાગી ગઈ, પરંતુ કસ્ટમ અને ઇમિગ્રેશન અધિકારીઓએ તેમને સુવિધામાં પ્રવેશવાની મંજૂરી આપી નહીં.
પાકિસ્તાનના વિદેશ મંત્રાલયના પ્રવક્તાએ મીડિયાના પ્રશ્નોના જવાબ આપતા સ્વીકાર્યું કે ભારતમાં અટારી સરહદ પર બાળકો સહિત પાકિસ્તાની નાગરિકો ફસાયેલા હોવાના અહેવાલો છે. મંત્રાલયના પ્રવક્તાએ કહ્યું કે અમે મીડિયામાં આવેલા અહેવાલોથી વાકેફ છીએ જેમાં કહેવામાં આવ્યું છે કે કેટલાક પાકિસ્તાની નાગરિકો અટારીમાં ફસાયેલા છે. જાે ભારતીય અધિકારીઓ આપણા નાગરિકોને તેમની સરહદ પાર કરવાની મંજૂરી આપે, તો અમે તેમને સ્વીકારવા તૈયાર છીએ.
પ્રવક્તાએ જણાવ્યું હતું કે વાઘા બોર્ડર ભવિષ્યમાં પાછા ફરવા માંગતા પાકિસ્તાની નાગરિકો માટે ખુલ્લી રહેશે. આ સમય દરમિયાન ખાસ વાત એ છે કે ફક્ત પાકિસ્તાની પાસપોર્ટ ધારકોને જ મંજૂરી છે. જેમની પાસે પાસપોર્ટ નથી તેમને પાકિસ્તાન પાછા લઈ રહ્યું નથી.
વિદેશ મંત્રાલયે પાકિસ્તાની નાગરિકોના વિઝા રદ કરવાના ભારતના ર્નિણયની ટીકા કરી છે. તેમણે કહ્યું કે પાકિસ્તાની નાગરિકોના વિઝા રદ કરવાનો ભારતનો ર્નિણય ગંભીર માનવતાવાદી પડકારો ઉભા કરી રહ્યો છે. પ્રવક્તાએ કહ્યું કે આમ કરવાથી ઘણા લોકોને સારવાર મેળવવામાં મુશ્કેલીઓનો સામનો કરવો પડી રહ્યો છે. આ ઉપરાંત ઘણા લોકોને મોટું નુકસાન પણ થયું છે.