RSS ની રેલી ૧૬ ફેબ્રુઆરી, ૨૦૨૫ ના રોજ યોજાવાની છે અને તેનાથી કોઈને પણ અસુવિધા થશે નહીંઃ કોલકાતા હાઇકોર્ટ

અગાઉ પશ્ચિમ બંગાળ પોલીસે ધોરણ ૧૦ ની પરીક્ષાઓનું કારણ આપીને રેલી યોજવાની પરવાનગી નકારી કાઢી હતી૧૬ ફેબ્રુઆરી, ૨૦૨૫ ના રોજ પશ્ચિમ બંગાળના બર્ધમાનમાં રાષ્ટ્રીય સ્વયં સેવક સંઘ (આરએસએસ) ની રેલી યોજાવાની છે, જેના માટે પશ્ચિમ બંગાળ પોલીસે પરવાનગી આપવાનો ઇનકાર કર્યો હતો. આ પછી, આરએસએસ દ્વારા કોર્ટનો સંપર્ક કરવામાં આવ્યો હતો. આ મામલે મીડિયા સૂત્રોના અહેવાલ મુજબ, કોલકાતા હાઈકોર્ટના એક ન્યાયાધીશે બંગાળ સરકારના વાંધાને ફગાવી દેતાઆરએસએસ રેલીને શરતી પરવાનગી આપી છે. આ રેલીમાં આરએસએસના વડા મોહન ભાગવત પણ હાજરી આપે તેવી શક્યતા છે.

હાઈકોર્ટે કહ્યું કે રેલી શાંતિપૂર્ણ રીતે યોજવી જાેઈએ અને અવાજ ઓછો રાખવો જાેઈએ. બંગાળ પોલીસે પરવાનગી આપવાનો ઇનકાર કર્યો હતો, એમ કહીને કે પશ્ચિમ બંગાળ માધ્યમિક શિક્ષણ બોર્ડ (ઉમ્મ્જીઈ) દ્વારા લેવામાં આવતી ધોરણ ૧૦ ની પરીક્ષાઓ હાલમાં ચાલી રહી છે અને તેથી લાઉડસ્પીકરના ઉપયોગ પર પ્રતિબંધ છે.ન્યાયાધીશે કહ્યું કે આરએસએસની રેલી રવિવારે યોજાવાની છે અને કાર્યક્રમ ફક્ત ૧ કલાક ૧૫ મિનિટનો હશે, તેથી કોર્ટને નથી લાગતું કે તેનાથી કોઈને અસુવિધા થશે. કોર્ટે રેલી શાંતિપૂર્ણ રીતે યોજવાનો અને અવાજ ઓછો રાખવાનો આદેશ આપ્યો. અહીં રેલી પછી, મોહન ભાગવત પ્રાદેશિક આરએસએસ નેતાઓ, સ્થાનિક કાર્યકરો અને બર્ધમાન અને આસપાસના વિસ્તારોના અગ્રણી લોકોને પણ મળશે.

આ બેઠકો સંગઠનાત્મક વિકાસ, સમુદાય સંપર્ક, આરએસએસ નેતૃત્વ અને સ્થાનિક હિસ્સેદારો વચ્ચેના સંબંધોને મજબૂત બનાવવા પર ધ્યાન કેન્દ્રિત કરે તેવી અપેક્ષા છે. તેમની યાત્રા કુટુંબલક્ષી પ્રથાઓ દ્વારા દેશભક્તિ, આર્ત્મનિભરતા, કૌટુંબિક મૂલ્યો, પર્યાવરણીય સંરક્ષણ અને સામાજિકકરણ જેવા મૂલ્યો કેળવવા પર કેન્દ્રિત હશે.