ગુજરાતમાં આગામી ૨ દિવસ માટે હવામાન વિભાગે યેલો એલર્ટ અને હિટવેવની કરી આગાહી

હવામાન વિભાગનાં ડાયરેક્ટર એ.કે.દાસે ગુજરાત રાજ્યમાં ગરમીનો લઈ આગાહી કરતાં કહ્યું હતું કે, આગામી દિવસોમાં ગરમીનો પ્રકોપ વધશે. તેમજ તાપમાનનો પારો ૩ થી ૪ ડિગ્રી વધવાની સંભાવના છે. આગામી ત્રણ દિવસ તાપમાનમાં વધારો થશે. તેમજ ૭ દિવસ વાતાવરણ શુષ્ક રહેશે. હવામાન વિભાગ દ્વારા રાજ્યમાં ત્રણ દિવસ યલો એલર્ટ સાથે હિટવેવની આગાહી કરી છે. તેમજ કંડલામાં ૪૩.૬ ડિગ્રી તાપમાન સાથે સૌથી ગરમ શહેર છે. તો સૌરાષ્ટ્રના તટીય ક્ષેત્રે તેમજ દક્ષિણ ક્ષેત્રે હોટ એન્ડ હ્યુમૂટ ક્ષેત્ર જાહેર કરવામાં આવેલ છે. તેમજ હમણાં વરસાદની સંભાવના નહીવત છે.
હવામાન વિભાગ દ્વારા તા. ૧૬ અને ૧૭ નાં રોજ હિટ વેવની આગાહી કરવામાં આવી છે. તેમજ હાલ રાજ્યમાં વરસાદની સંભાવના નહીવત છે. અમદાવાદમાં અને ગાંધીનગરમાં ૪૨ ડિગ્રી આસપાસ તાપમાનનો પારો રહેશે. અમદાવાદનું મહત્તમ તાપમાન ૪૨.૯ ડિગ્રી જ્યારે ન્યૂનતમ તાપમાન ૨૬.૪ ડિગ્રી રહેશે.
તેમજ આગામી ૩ દિવસ યલો એલર્ટ સાથે હીટવેવની આગાહી કરવામાં આવી છે. આજે કંડલા, બનાસકાંઠા, સાબરકાંઠા, દીવ, રાજકોટ, કચ્છમાં યલો એલર્ટ સાથે હિટ વેવની આગાહી જાહેર કરવામાં આવી હતી. આવતી કાલે કચ્છ, બનાસકાંઠા, સાબરકાંઠા અને રાજકોટમાં યલો એલર્ટ સાથે હીટવેવની આગાહી કરવામાં આવી છે. તા. ૧૭.૦૪.૨૦૨૫ ના રોજ યલો એલર્ટ સાથે હીટવેવની આગાહી હવામાન વિભાગે કરી છે.