કોણ હોય છે અઘોરી, કેટલી સાધના કરવી પડે?.. તમે ન જાણતા હોય તો અઘોર પંથનો અઘરો ઈતિહાસ વિષે જાણો

આજકાલ ઉત્તર પ્રદેશના પ્રયાગરાજમાં મહાકુંભની તૈયારીઓ આખરી તબક્કામાં ચાલી રહી છે. કુંભમેળામાં દેશભરમાંથી આવેલ સાધુ-સંતો ભાગ લેશે. આ સાધુ સંતોમાં એક એવો સમુદાય હોય છે, જેને જાેઈને સામાન્ય લોકોના મનમાં રોમાંચ અને રહસ્યની ભાવના જાગે છે. તેઓને ‘અઘોરી’ કહેવામાં આવે છે. અઘોરી હંમેશા સામાન્ય લોકોના આકર્ષણનું કેન્દ્ર બને છે. ચાલો જાણીએ અઘોરી કોણ હોય છે અને અઘોર પંથનો ઈતિહાસ શું છે ઉત્તર પ્રદેશના પ્રયાગરાજમાં મહાકુંભ ૨૦૨૫ની તૈયારીઓ પૂરજાેશમાં ચાલી રહી છે અને હવે તેની શરૂઆત થવામાં થોડા જ દિવસો બાકી છે. ૧૩ જાન્યુઆરીથી ૨૬ ફેબ્રુઆરી સુધી ચાલતો આ કુંભમેળો લોકો માટે ધાર્મિક આસ્થાનો મહાન તહેવાર છે. દેશ-વિદેશમાંથી લાખો ભક્તો અને સાધુઓ ગંગામાં પવિત્ર સ્નાન કરવા સંગમના કિનારે પહોંચશે.

આ સંતોમાં એક એવો સમુદાય પણ સામેલ થશે, જે હંમેશા લોકોમાં આતુરતા અને રહસ્યનું કેન્દ્ર રહ્યું છે. તેઓને ‘અઘોરી’ કહેવામાં આવે છે. ચાલો જાણીએ કોણ છે આ અઘોરી? તેના ધ્યાનનું કેન્દ્ર ક્યાં છે? અને તેમની પરંપરાઓનો ઈતિહાસ શું કહે છે? પૌરાણિક માન્યતાઓ અનુસાર અઘોર સંપ્રદાયના સ્થાપક ભગવાન ભોલેનાથ છે. એવું માનવામાં આવે છે કે ભગવાન શિવે અઘોર સંપ્રદાયની ઉત્પત્તિ કરી હતી. શિવ શંકરના અવતાર ભગવાન દત્તાત્રેયને વાસ્તવમાં અઘોર શાસ્ત્રના ગુરુ માનવામાં આવે છે. એવું માનવામાં આવે છે કે ભગવાન શિવ અને ભગવાન વિષ્ણુ ભૌતિક સ્વરૂપમાં દત્તાત્રેયના રૂપમાં અવતર્યા હતા. તેથી અઘોરીઓને ભગવાન ભોલેનાથના અનુયાયી માનવામાં આવે છે. અઘોર સંપ્રદાયમાં બાબા કીનારામને ખૂબ જ આદર અને પૂજવામાં આવે છે. બાબા કીનારામનો જન્મ ઉત્તર પ્રદેશના ચંદૌલી જિલ્લામાં વર્ષ ૧૬૦૧માં થયો હતો. કહેવાય છે કે તેઓ બાળપણથી જ અલગ સ્વભાવના હતા. એક વખત ફરતા ફરતા તેઓ હાલના બલિયા જિલ્લાના કરોન ગામ પાસેના કામેશ્વર ધામ પહોંચ્યા. ત્યાં તેમણે રામાનુજી સંપ્રદાયના સંત શિવરામને પોતાના ગુરુ બનાવ્યા. આ પછી બાબા કીનારામ આગળ વધ્યા. દેશભરમાં ભ્રમણ કરતાં તેઓ ગુજરાતમાં ગયા અને ગિરનાર પર્વત પર સ્થાયી થયા. ત્યાંથી તેઓ કાશી માં સ્થાયી થયા.