‘તેરી બાતોં મેં ઐસા ઉલ્ઝા જિયા’નું ટ્રેલર થયું રિલીઝ

શાહિદ કપૂર અને કૃતિ સેનનની ફિલ્મ ‘તેરી બાતોં મેં ઐસા ઉલ્ઝા જિયા’નું ટ્રેલર રિલીઝ થઈ ગયું છે. આ ફિલ્મ દ્વારા શાહિદ અને કૃતિ પહેલીવાર પડદા પર સાથે જાેવા મળવાના છે. ફેન્સ બંને સ્ટાર્સની જાેડીને પડદા પર જાેવા માટે ઉત્સુક છે અને આ દરમિયાન મેકર્સે આ ફિલ્મનું ટ્રેલર રિલીઝ કર્યું છે. ‘તેરી બાતોં મેં ઐસા ઉલ્ઝા જિયા’નું ટ્રેલર રોમાન્સ અને ડ્રામાથી ભરપૂર લાગે છે. ટ્રેલર જાેઈને ફિલ્મની સ્ટોરીનો અંદાજ લગાવી શકાય છે.

ફિલ્મ ‘તેરી બાતોં મેં ઐસા ઉલ્ઝા જિયા’માં કૃતિ સેનન શાહિદ કપૂર સાથે રોમાન્સ કરતી જાેવા મળશે. આ ફિલ્મમાં તે એક અમેરિકન છોકરીની સિફરાનો રોલ પ્લે કરતી જાેવા મળી રહી છે જે ભારતીય પરિવારમાં વહુ તરીકે આવશે અને બધાને હેરાન કરી દેશે. ટ્રેલરના અંતમાં બતાવવામાં આવ્યું છે કે સિફરા (ક્રિતી સેનન) છોકરી નથી પણ વાસ્તવમાં એક રોબોટ છે. ‘તેરી બાતોં મેં ઐસા ઉલ્ઝા જિયા’નું ટ્રેલર શાહિદ કપૂર અને કૃતિ સેનનની ઓનસ્ક્રીન કેમેસ્ટ્રીથી લઈને ગીતો સુધી દર્શકોને ફિલ્મમાં જકડી રાખશે.

ડાયરેક્ટર અમિત જાેશી અને આરાધના શાહની ફિલ્મમાં શાહિદ કપૂર અને કૃતિ સેનન સિવાય ધર્મેન્દ્ર, ડિમ્પલ કાપડિયા અને રાકેશ બેદી સહિતના ઘણા દિગ્ગજ એક્ટર્સ જાેવા મળશે. ‘તેરી બાતોં મેં ઐસા ઉલ્ઝા જિયા’ આ વર્ષે વેલેન્ટાઈન વીકમાં રિલીઝ થવા માટે તૈયાર છે. શાહિદ કપૂર અને કૃતિ સેનન સ્ટારર આ ફિલ્મ ૯ ફેબ્રુઆરીએ થિયેટરોમાં રિલીઝ થશે.