સમગ્ર ઓડિશામાં વરસાદને લઈને હવામાન વિભાગ દ્વારા ૭ સપ્ટેમ્બર સુધી યલો એલર્ટ૨ કલાકમાં ૬૧૦૦૦ વીજળી પડી, ૧૨ના મોત, સપ્તાહના અંતે ભારે વરસાદની સંભાવના

હાલમાં ઓડિશામાં આકાશી આફત તબાહી મચાવી રહી છે. ૨ સપ્ટેમ્બર શનિવારના રોજ રાજ્યભરમાં બે કલાકમાં ૬૧ હજાર વખત વીજળી પડી, જેના કારણે ૧૨ લોકોએ જીવ ગુમાવ્યા, જ્યારે ૧૪ લોકોની હાલત ગંભીર છે. હવામાન વિભાગનું કહેવું છે કે હાલ આકાશી આફતમાંથી રાહત મળવાની આશા ઓછી છે. હવામાન વિભાગે ૭ સપ્ટેમ્બર સુધી એલર્ટ જાહેર કર્યું છે. હવામાન વિભાગે વરસાદની આશા વ્યક્ત કરી છે. હવામાન વિભાગનું કહેવું છે કે બંગાળની ખાડી પર સક્રિય ચક્રવાતી પરિભ્રમણ આગામી ૪૮ કલાકમાં લો પ્રેશર વિસ્તારમાં ફેરવાઈ શકે છે અને તેના પ્રભાવ હેઠળ સમગ્ર ઓડિશામાં વ્યાપક વરસાદ થઈ શકે છે. હવામાન વિભાગના જણાવ્યા અનુસાર આ સપ્તાહના અંતે ભારે વરસાદની સંભાવના છે.

હવામાન વિભાગે વરસાદને લઈને ૭ સપ્ટેમ્બર સુધી યલો એલર્ટ જાહેર કર્યું છે. જીઇઝ્ર (ખાસ રાહત કમિશનર) સત્યબ્રત સાહુએ જણાવ્યું હતું કે ચક્રવાતે રાજ્યમાં ચોમાસું સક્રિય કર્યું છે, જેના કારણે રાજ્યભરમાં ભારે વરસાદ થયો છે. જ્યાં ભુવનેશ્વરમાં ૧૨૬ મીમી અને કટકમાં ૯૫.૮ મીમી વરસાદ નોંધાયો હતો. સત્યબ્રત સાહુએ કહ્યું કે અમે સ્થિતિ પર ચાંપતી નજર રાખી રહ્યા છીએ. લોકોને સલામત સ્થળે રહેવાની સલાહ આપવામાં આવી રહી છે. વીજળી પડવાની ઘટનાઓને જાેતા લોકોને ઘરની બહાર ન નીકળવાની અપીલ કરવામાં આવી રહી છે. શનિવારે વીજળી પડવાથી મૃત્યુ પામેલા લોકોમાંથી ચાર ખુર્દા જિલ્લાના, બે બાલાંગિરના અને એક-એક અંગુલ, બૌધ, ઢેંકનાલ, ગજપતિ, જગતસિંહપુર અને પુરીના હતા. આ ઉપરાંત ગજપતિ અને કંધમાલ જિલ્લામાં વીજળી પડવાને કારણે આઠ પશુઓનાં પણ મોત થયાં હતાં, એસઆરસીએ જણાવ્યું હતું. તે જ સમયે, રાજ્યના હવામાનશાસ્ત્રીઓએ જણાવ્યું હતું કે લાંબા અંતર પછી ચોમાસું સામાન્ય થાય ત્યારે આકાશમાંથી વધુ વીજળી પડે છે. તેમણે કહ્યું કે ઠંડા અને ગરમ પવનની ટક્કરથી આવી વીજળી પડવાના બનાવો બને છે.