અદિતિ અશોકને પ્રધાનમંત્રી મોદી અને રાષ્ટ્રપતિ કોવિંદે સારા ભવિષ્યની શુભેચ્છા પાઠવી

ટોક્યો ઓલિમ્પિક ૨૦૨૦ માં ભારતીય ગોલ્ફર આદિત અશોકની યાત્રા સમાપ્ત થઈ. ખરાબ હવામાનથી પ્રભાવિત ગોલ્ફ ઇવેન્ટમાં ચોથા રાઉન્ડમાં ત્રણ-અંડર ૬૮ સ્કોર કર્યા બાદ અદિતિ અશોક ચોથા સ્થાને રહી હતી. આ દરમિયાન પીએમ મોદીએ ટ્‌વીટ કરીને તેમને પ્રોત્સાહિત કર્યા હતા.

પીએમ મોદીએ કહ્યું, અદિતિ અશોક, તમે સારું રમ્યા. તમે ટોક્યો ઓલિમ્પિક્સમાં જબરદસ્ત કૌશલ્ય અને નિશ્ચય દર્શાવ્યો હતો. તમારા ભવિષ્ય માટે શુભેચ્છાઓ.રાષ્ટ્રપતિ રામનાથ કોવિંદે ટિ્‌વટ કર્યું, અદિતિ અશોક સારી રીતે રમ્યા! ભારતની અન્ય પુત્રીએ છાપ ઉભી કરી! આજના ઐતિહાસિક પ્રદર્શન સાથે, તમે ભારતીય ગોલ્ફને નવી ઊંચાઈઓ પર લઈ ગયા છો. તમે ખૂબ જ શાંતિથી અને સુંદર રીતે રમ્યા છે. પ્રભાવશાળી પ્રદર્શન બદલ અભિનંદન.

અદિતિ અશોકે સારી શરૂઆત કરી હતી પરંતુ પાછળથી તે પાછળ રહી ગઈ. જાેકે, તેની રમતએ દરેકને પ્રભાવિત કર્યા હતા. અદિતિ અશોક પાસે મેડલ જીતવાની અપેક્ષા હતી, જાેકે તે ખરાબ હવામાનથી પ્રભાવિત રમતમાં પાછળ પડી ગઈ અને ચોથા સ્થાને રહી.

મહિલા વ્યક્તિગત સ્ટ્રોક પ્લે ગોલ્ફ ઇવેન્ટનો ગોલ્ડ મેડલ અમેરિકાની ગોલ્ફર નૈલી કોર્ડાના ખાતામાં ગયો છે. હવે સિલ્વર અને બ્રોન્ઝ મેડલ માટે જાપાનની નોમી ઇનામી અને ન્યૂઝીલેન્ડની લેડિયા વચ્ચે મુકાબલો થશે.

ઓલિમ્પિકમાં ગોલ્ફનું પર્દાપણ ૧૯૦૦ની પેરિસ ગેમ્સમાં થયું હતું. આ રમત આગામી સીઝનમાં પણ ઓલિમ્પિકનો ભાગ રહી. પરંતુ ત્યારબાદ ઓલિમ્પિકમાં આ રમત જાેવા મળી નહીં. આખરે ૧૧૨ વર્ષ બાદ ૨૦૧૬માં રિયો ઓલિમ્પિકમાં ગોલ્ફની વાપસી થઈ હતી. રિયોમાં શિવ ચોરસિયા, અનિર્બાન લાહિડી અને અદિતિ અશોકે ઓલિમ્પિકમાં પર્દાપણ કર્યુ હતું. ટોક્યો ઓલિમ્પિકમાં અદિતિ સિવાય ત્રણ અન્ય ગોલ્ફરો (અનિર્બાન લાહિડી, ઉદયન માને અને દીક્ષા ડાગર) ને તક મળી હતી.

મધ્યમવર્ગીય પરિવારમાં જન્મેલી (૨૯ માર્ચ, ૧૯૯૮- બેંગલુરૂમાં) ગોલ્ફર અદિતિ અશોકે માત્ર ૫ વર્ષની ઉંમરમાં ગોલ્ફ રમવાનું શરૂ કર્યું હતું, પરંતુ ત્યારે બેંગલુરૂમાં માત્ર ત્રણ ગોલ્ફ કોર્સ હતા. પુત્રીની ગોલ્ફ શીખવાની જિદ બાદ અદિતિના પિતા તેને કર્ણાટક ગોલ્ફ એસોસિએશન ડ્રાઇવિંગ રેન્જ લઈને જવા લાગ્યા. અદિતિએ ગોલ્ફને પોતાનું કરિયર બનાવી લીધું.