આ રીતે ટેસ્ટી-ટેસ્ટી વઘારેલી ખીચડી બનાવો ઘરે, બધા ખાતા રહી જશે

ગુજરાતમાં અનેક ઘરોમાં સાંજના સમયે ખીચડી બનતી હોય છે. ખીચડી સ્વાસ્થ્ય માટે ખૂબ સારી છે. કહેવાય છે કે તમે રોજ સાંજના સમયે ખીચડી ખાઓ છો તો તમારી હેલ્થ માટે ખૂબ જ સારું. જો કે ઘણાં ઘરોમાં સાદી ખીચડી લોકોને ભાવતી હોતી નથી. આમ, જો તમારા ઘરે પણ કોઇને સાદી ખીચડી ના ભાવતી હોય તો તમે વધારેલી ખીચડી બનાવીને ખાઇ શકો છો. જો તમે આ રીતે ખીચડી વધારશો તો ટેસ્ટમાં બહુ જ મસ્ત લાગશે.

 સામગ્રી

1 કપ ચોખા

1 કપ મસુરની દાળ

ટામેટા

લીલુ મરચુ

1 બટાકું

1 ચમચી ઘી

જીરું

રાઇ

મીઠો લીમડો

લસણની કળી

ડુંગળી

હળદર

હિંગ

સ્વાદાનુંસાર મીઠું

બનાવવાની રીત

• વધારેલી ખીચડી બનાવવા માટે સૌ પ્રથમ એક કપ ચોખા અને એક કપ મસુરની દાળ લઇને પાણીમાં બરાબર ધોઇ લો.
• હવે એક વાસણમાં દાળ, ચોખા, ટામેટા, બટાકા, લીલુ મરચુ નાંખીને થોડા પાણી સાથે ચડવા દો.
• હવે બીજા એક વાસણમાં એક ચમચી ઘી લઇને વધાર કરવા મુકો.
• આ પ્રોસેસ થઇ જાય એટલે એમાં રાઇ, જીરું, હિંગ અને મીઠો લીમડો નાંખો.
• ત્યારબાદ વાટેલું લસણ નાંખો.
• આ બધી સામગ્રી નાંખ્યા પછી ડુંગળી, હળદર, મીઠું, અને કાશ્મીરી લાલ મરચા નાંખીને બરાબર સાંતળો.
• આ બધુ જ નંખાઇ જાય પછી દાળ ચોખા મિક્સ કરો અને જરૂર મુજબ પાણી ઉમેરો.
• પાણી ઉમેર્યા પછી ધીમો ગેસ કરીને કુકર બંધ કરી દો.
• હવે 3 થી 4 સીટી વગાડો અને પછી ગેસ બંધ કરી દો.
• તો તૈયાર છે વધારેલી ટેસ્ટી-ટેસ્ટી ખીચડી.
• આ ખીચડીમાં તમે સિંગદાણા પણ નાંખી શકો છો. સિંગદાણાની સાથે તમારે ઘરમાં ડ્રાયફ્રુટ્સ ભાવતુ હોય તો તમે કાજુ, બદામ પણ નાંખી શકો છો.