દક્ષિણ કોરિયાના મુખ્ય વિરોધ પક્ષ ડેમોક્રેટિક પાર્ટીના નેતા લી જે-મ્યુંગ પર હુમલો

બુસાન એરપોર્ટની મુલાકાત દરમિયાન ગરદન પર છરી વડે હુમલો થતા ગંભીર રીતે ઘાયલ દક્ષિણ કોરિયાના મુખ્ય વિરોધ પક્ષ ડેમોક્રેટિક પાર્ટીના અગ્રણી નેતા લી જે-મ્યુંગ પર હુમલો કરવામાં આવ્યો છે. જેમાં તે ગંભીર રીતે ઘાયલ થયો છે. મળતી માહિતી મુજબ, આ હુમલો બુસાનની તેમની મુલાકાત દરમિયાન કરવામાં આવ્યો હતો જ્યારે લી જે-મ્યુંગ પત્રકારો સાથે વાત કરી રહ્યા હતા. તે જ સમયે હુમલાખોરે તેની ગરદન પર છરી વડે હુમલો કર્યો જેના કારણે તે ગંભીર રીતે ઘાયલ થઈને જમીન પર પડી ગયો. આ ઘટનાએ ચારે તરફ ખળભળાટ મચાવી દીધો હતો. સ્થળ પર હાજર લોકોએ હુમલાખોરને પકડીને પોલીસને હવાલે કર્યો હતો.

આ સમગ્ર ઘટનાનો એક વીડિયો પણ સામે આવ્યો છે, જેમાં સ્પષ્ટપણે જાેઈ શકાય છે કે લી જે-મ્યુંગ પર અજાણ્યા વ્યક્તિ દ્વારા કેવી રીતે હુમલો કરવામાં આવ્યો હતો. હુમલાખોર લી જે-મ્યુંગની બરાબર સામે ઊભો હતો. જ્યારે તે પત્રકારોના પ્રશ્નોના જવાબ આપી રહ્યો હતો ત્યારે તેણે તેના ગળામાં છરો માર્યો હતો.. માહિતી આપતા અધિકારીઓએ જણાવ્યું કે લી જે-મ્યુંગ બુસાનમાં પ્રસ્તાવિત એરપોર્ટની મુલાકાત લેવા ગયા હતા. તે દરમિયાન આ ઘટના બની હતી. ઘટના બાદ લી જે-મ્યુંગ જમીન પર પડી ગયો. તેની ગરદનમાંથી લોહી નીકળવા લાગ્યું. તેને રોકવા માટે ગળામાં રૂમાલ બાંધવામાં આવ્યો હતો. સ્થળ પર હાજર લોકોએ તેને હોસ્પિટલમાં દાખલ કર્યો જ્યાં તેની સારવાર ચાલી રહી છે.

એવું કહેવામાં આવી રહ્યું છે કે લી જે-મ્યુંગ હાલમાં હોશમાં છે. બીજી તરફ પોલીસ હુમલાખોરની પૂછપરછ કરી રહી છે. હાલમાં હુમલાખોરની ઓળખ જાહેર કરવામાં આવી નથી. તમને જણાવી દઈએ કે લી જે-મ્યુંગ બુસાનમાં દક્ષિણ કોરિયાની સૌથી મોટી ડેમોક્રેટિક પાર્ટીના વડા છે. તે લોકોમાં ખૂબ જ લોકપ્રિય છે. તેમણે વર્ષ ૨૦૨૨માં રાષ્ટ્રપતિની ચૂંટણી લડી હતી, જેમાં તેઓ યુન સુક યેઓલ સામે બહુ ઓછા મતોથી હારી ગયા હતા.