જિલ્લા રોજગાર વિનિમય કચેરી દ્વારા રોજગાર ભરતી મેળાનું આયોજન

અમરેલી તા.૨૩ ડિસેમ્બર, ૨૦૨૪ (સોમવાર) અમરેલી જિલ્લાના યુવા રોજગાર ઇચ્છુક પુરુષ માટે રોજગારીનો અવસર છે. ખાનગી ક્ષેત્રના અગ્રગણ્ય એકમ મેનપાવર ગ્રુપ સર્વિસ પ્રા.લિ. માટે ૧૮ થી ૨૮ વર્ષની વયમર્યાદા અને ખાલી જગ્યાને અનુરુપ ધો.૧૨ પાસ, ગ્રેજ્યુએટ તથા આઇ.ટી.આઇ. ડિપ્લોમા તકનિકી અને શૈક્ષણિક લાયકાત ધરાવતા રોજગારવાંચ્છુઓ માટે અનુબંધમ વેબપોર્ટલના ડિજિટલ માધ્યમથી ભરતીમેળાનું તા.૨૬ ડિસેમ્બર, ૨૦૨૪ને ગુરુવારના રોજ સવારે ૧૧:૦૦ વાગ્યે અમરેલીના લાઠી રોડ ખાતેના ઔદ્યોગિક તાલીમ સંસ્થા (આઈ.ટી.આઈ કેમ્પસ) ખાતે આયોજન છે.ભરતીમેળામાં આધાર કાર્ડ તેમજ શૈક્ષણિક લાયકાતના તમામ દસ્તાવેજો સાથે અનુબંધમ વેબપોર્ટલ પર જોબસીકર તરીકે રજિસ્ટ્રેશન લીંક https://anubandham.gujarat.gov.in/account/signup પર નોંધણી કરવી, તેમ અમરેલી જિલ્લા રોજગાર અધિકારીશ્રીએ એક યાદીમાં જણાવ્યું છે.