સંગીતની તાલે સ્વસ્થતા, શરીરને ચલાવો, ચરબી ઘટાડો : નૃત્ય દ્વારા મેદસ્વિતા પર જીત

મેદસ્વિતા આજે એક ગંભીર જાહેર આરોગ્ય સમસ્યા બની રહી છે, જે ડાયાબિટીસ, હૃદયરોગ, ઉચ્ચ
રક્તચાપ અને સાંધાના દુખાવા જેવી અનેક બીમારીઓનું કારણ બને છે. બેઠાડુ જીવનશૈલી, અનિયમિત
આહાર અને શારીરિક પ્રવૃત્તિના અભાવને કારણે વજન ધીમે ધીમે વધતું જાય છે. મેદસ્વિતા પર નિયંત્રણ
મેળવવા માટે સંતુલિત આહાર સાથે નિયમિત શારીરિક ચળવળ અનિવાર્ય છે.
મેદસ્વિતા પરથી મુક્તિ મેળવવા માટે વ્યાયામ જરૂરી છે, પરંતુ દરેક વ્યક્તિ માટે કડક કસરત
અથવા જિમ શક્ય નથી. આવી પરિસ્થિતિમાં નૃત્ય એક સરળ શારીરિક પ્રવૃત્તિ બની શકે છે. નૃત્ય કરતી
વખતે શરીરના વિવિધ અંગો સક્રિય થાય છે, જેના કારણે ઊર્જા વધે છે અને ચરબી ઘટાડવામાં મદદ મળે
છે.
નિયમિત શારીરિક ચળવળના ભાગરૂપે નૃત્ય અપનાવવાથી હૃદય અને ફેફસાંની કાર્યક્ષમતા સુધરે
છે, મેટાબોલિઝમ સક્રિય બને છે અને શરીરની લવચીકતા વધે છે. આ બધા પરિબળો મેદસ્વિતા નિયંત્રણમાં
મહત્વપૂર્ણ ભૂમિકા ભજવે છે.
મેદસ્વિતા સાથે માનસિક તણાવ પણ જોડાયેલો હોય છે. તણાવના કારણે વધુ ખાવાની આદત
વિકસે છે, જે વજન વધારવાનું કારણ બને છે. નૃત્ય અને સંગીત જેવી આનંદદાયક પ્રવૃત્તિ મનને પ્રસન્ન
રાખે છે, તણાવ ઘટાડે છે અને ભાવનાત્મક ખાવાની ટેવ પર નિયંત્રણ લાવવામાં મદદ કરે છે.
ભારતીય પરંપરાગત નૃત્યરૂપો અથવા સરળ ગતિસંચલનવાળી પ્રવૃત્તિઓને દૈનિક જીવનમાં સામેલ
કરી શકાય છે. આ માટે ખાસ સાધનો કે વધારે ખર્ચની જરૂર નથી. રોજ 30 મિનિટ સુધી શારીરિક રીતે
સક્રિય રહેવું, ચાહે તે નૃત્ય હોય, ચાલવું હોય કે અન્ય પ્રવૃત્તિ હોય તે મેદસ્વિતા ઘટાડવામાં અસરકારક
સાબિત થાય છે.

મેદસ્વિતા પર મુક્તિ મેળવવા માટે જીવનશૈલીમાં સકારાત્મક બદલાવ જરૂરી છે. સંતુલિત આહાર,
નિયમિત શારીરિક ચળવળ અને માનસિક સ્વસ્થતા સાથે જો નૃત્ય જેવી પ્રવૃત્તિ અપનાવવામાં આવે, તો
સ્વસ્થ અને સક્રિય જીવન તરફ આગળ વધવું સરળ બને છે.