રઘુવંશી લોહાણા સમાજ માટે ગૌરવ વધારતા સમાચાર સામે આવ્યા છે. સમાજના અગ્રણી ચંદારાણા પરિવારના પુત્રવધૂ અને પોબારુ પરિવારની દીકરી શ્વેતાબેન હાર્દિકકુમાર ચંદારાણા (પોબારુ શ્વેતા નરેન્દ્રકુમાર) એ ઓલ ઇન્ડિયા બાર એક્ઝામિનેશન (AIBE-XXI) ની પ્રતિષ્ઠિત રાષ્ટ્રીય સ્તરની પરીક્ષા સફળતાપૂર્વક પાસ કરી લીધી છે. આ ભવ્ય અને ઉત્કૃષ્ટ સિદ્ધિ સાથે જ તેમણે કાયદેસર રીતે વકીલ (Advocate) તરીકેની ગૌરવપૂર્ણ પદવી પ્રાપ્ત કરીને સમગ્ર રઘુવંશી સમાજનું નામ રોશન કર્યું છે.
શ્વેતાબેને એક દીકરી અને વહુ તરીકે ઘર-પરિવારની તમામ સામાજિક જવાબદારીઓ ખૂબ જ સુંદર અને નિષ્ઠાપૂર્વક નિભાવવાની સાથે કાયદાના ક્ષેત્રમાં આ ઝળહળતી સફળતા મેળવી છે. તેમની આ અથાક મહેનત અને સમર્પણ સમાજની અન્ય દીકરીઓ અને મહિલાઓ માટે પણ ઉચ્ચ શિક્ષણ ક્ષેત્રે આગળ વધવા માટે એક ઉત્તમ પ્રેરણારૂપ ઉદાહરણ પૂરું પાડે છે.
પૂજ્ય જલારામ બાપાના પરમ આશીર્વાદ અને પરિવારના વડીલોના પીઠબળ-ઓથથી મેળવેલી આ વિશિષ્ટ સિદ્ધિ બદલ પોબારુ પરિવાર અને ચંદારાણા પરિવાર સહિત સમગ્ર લોહાણા સમાજમાં અત્યારે ભારે આનંદ અને ઉત્સાહની હેલી વ્યાપી ગઈ છે.
શ્વેતાબેનની આ અથાક મહેનત અને રાષ્ટ્રીય સ્તરની સફળતા બદલ રઘુવંશી જ્ઞાતિના અગ્રણીઓ, સ્નેહીજનો, સગા-સંબંધીઓ અને મિત્ર વર્તુળ તરફથી તેમના પર શુભેચ્છાઓનો અવિરત વરસાદ થઈ રહ્યો છે. આગામી સમયમાં તેઓ કાયદાના માધ્યમથી ન્યાયના પક્ષે રહીને સમાજ અને દેશની ઉત્કૃષ્ટ સેવા કરે તેવી મંગલ કામનાઓ સહ સૌ કોઈ તેમને બિરદાવી રહ્યા છે.તેમની આવી જ્વલંત સફળતા બદલ આપડું કુંડલા પત્રકાર પાંધીસર ડીજીટલ ન્યૂઝ પણ ખોબલે ખોબલે શુભકામના પાઠવે છે
Recent Comments