પવિત્ર શ્રાધ્ધ પક્ષના દિવસો દરમિયાન દાન-પુણ્ય અને ગૌસેવાનું વિશેષ મહત્વ રહેલું છે, ત્યારે સાવરકુંડલા શહેરના પ્રતિષ્ઠિત અગ્રણી અને સોનિક જ્વેલર્સના પરેશભાઈ હિંગુ તથા તેમના લઘુબંધુ દ્વારા નેસડી રોડ સ્થિત ‘શ્રી કૃષ્ણ ગૌશાળા’ ખાતે માવજત પામતા ગૌવંશ માટે લીલા ઘાસચારાનું અર્પણ કરીને શ્રેષ્ઠ ગૌસેવા પૂરી પાડવામાં આવી છે.
શાસ્ત્રોમાં જણાવ્યા અનુસાર શ્રાધ્ધ પર્વ દરમિયાન કરવામાં આવેલું દાન-પુણ્ય અક્ષય અને અનેક ગણું ફળ આપે છે. આ પવિત્ર ભાવનાને સાર્થક કરતા પરેશભાઈ હિંગુ પરિવાર દ્વારા ૩૦ સપ્ટેમ્બર ૨૦૨૬ના રોજ શ્રી કૃષ્ણ ગૌશાળામાં આશરે ૧૫૦ જેટલા ગૌવંશના નિભાવ અને આહાર માટે ટ્રેક્ટર ભરીને લીલો ઘાસચારો મોકલવામાં આવ્યો હતો.
ગૌશાળા પરિસરમાં હાજર ગૌવંશને લીલો ઘાસચારો નીરવામાં આવ્યો હતો. આ તકે શ્રી કૃષ્ણ ગૌશાળા સંસ્થા પરિવાર તરફથી સોનિક જ્વેલર્સના પરેશભાઈ હિંગુ અને તેમના લઘુબંધુનો હૃદયપૂર્વક આભાર વ્યક્ત કરવામાં આવ્યો હતો. સંસ્થાના પ્રતિનિધિએ પરમકૃપાળુ પરમાત્મા પાસે હિંગુ પરિવારના સ્વાસ્થ્ય, સુખ-સમૃદ્ધિ અને વ્યવસાયમાં ઉત્તરોત્તર પ્રગતિ થાય તેવી મંગલ મનોકામના કરી હતી.
Recent Comments