લખનૌમાં એક લગ્ન સમારોહમાં દીપડો ઘૂસ્યો; વન વિભાગની ટીમ ઘટનાસ્થળે પહોંચી હતી અને ભારે જહેમત બાદ દીપડાને પકડી શકાયો

લખનૌ શહેરના બુદ્ધેશ્વર એમએમ લોન ખાતે યોજાઈ રહેલા આ લગ્નના મહેમાનો દીપડાથી પોતાનો જીવ બચાવવા માટે રસ્તાઓ પર દોડી આવ્યા હતા. રાત્રે ૮ વાગ્યાની આસપાસ કાર્યક્રમમાં દીપડો ઘૂસી ગયો હોવાના સમાચારથી લોકો ગભરાઈ ગયા હતા.

ડીએફઓ ડો. સીતાશુ પાંડે સહિત વન વિભાગની ટીમ ઘટનાસ્થળે પહોંચી ગઈ અને ઘણી જહેમત બાદ દીપડાને પકડી શકાયો હતો. પરંતુ આ બચાવ પહેલાં જે બન્યું તે ધ્રુજાવી નાખે તેવું હતું. જ્યારે પોલીસ, વન વિભાગની ટીમ અને વહીવટી અધિકારીઓ ઘટનાસ્થળે પહોંચ્યા, ત્યારે તેઓએ પરિસ્થિતિને કાબુમાં લીધી હતી. લોકોને ધીરજ રાખવા અને વન વિભાગની ટીમને સહકાર આપવા અપીલ કરવામાં આવી હતી. મધ્યરાત્રિએ હાથ ધરાયેલા દીપડા બચાવ કાર્યમાં ઘણા જીવલેણ વળાંકો આવ્યા. જે વીડિયો સામે આવ્યો છે તેમાં, સીડી પર દીપડાને જાેયા પછી પોલીસ અને વન વિભાગની ટીમ આગળ વધે છે, ત્યારે દીપડો સામે આવીને તેમને ભગાડતો જાેવા મળે છે.

જેના પછી, તે આગળ ચાલી રહેલા વન કર્મચારી પર હુમલો કરે છે અને તેના હાથમાંથી રાઇફલ નીચે ફેંકી દે છે. આ દરમિયાન, કોઈ ગોળી ચલાવે છે અને દીપડો ગભરાઈ જાય છે અને સીડીઓ પરથી નીચે ઉતરી જાય છે. બચાવ ટીમમાંથી કોઈ કહે છે, ‘તેને ગોળી વાગી છે, તેને ગોળી વાગી છે.’ લગભગ ૮ કલાક સુધી ચાલેલા આ સંતાકૂકડી પછી, ગુરુવારે સવારે ૪ વાગ્યે દીપડો પકડાઈ ગયો હતો. લગ્નમાં દીપડાને લઈને થયેલા હોબાળા વચ્ચે, એક વ્યક્તિએ પોતાનો જીવ બચાવવા માટે લોનની છત પરથી કૂદી પડ્યો. તે ગંભીર રીતે ઘાયલ થયો છે અને તેને નજીકની હોસ્પિટલમાં દાખલ કરવામાં આવ્યો છે.