ઈસરોના ભૂતપૂર્વ વડા ડૉ. કે. કસ્તુરીરંગનનું નિધન

ઈસરોના ભૂતપૂર્વ વડા ડૉ. કે. કસ્તુરીરંગનનું શુક્રવારે સવારે ૧૦:૪૩ વાગ્યે કર્ણાટકના બેંગલુરુમાં નિધન થયું હતું. ડૉ. કે. કસ્તુરીરંગન એક પ્રખ્યાત ભારતીય ખગોળશાસ્ત્રી હતા. તેમનો જન્મ ૨૪ ઓક્ટોબર ૧૯૪૦ના રોજ થયો હતો. તેમના નશ્વર દેહને રવિવાર, ૨૭ એપ્રિલના રોજ સવારે ૧૦.૦૦થી બપોરે૧૨.૦૦વાગ્યા સુધી આરઆરઆઈ ખાતે રાખવામાં આવ્યા હતા, જ્યાં લોકો અંતિમ શ્રદ્ધાંજલિ આપી હતી.
ડૉ. કસ્તુરીરંગન આયોજન પંચના સભ્ય રહી ચૂક્યા છે. તેઓ ભારતીય વિજ્ઞાન એકેડેમીના પ્રમુખ અને ભારતીય વિજ્ઞાન કોંગ્રેસના મહાસચિવ રહી ચૂક્યા છે. તેઓ વિવિધ આંતરરાષ્ટ્રીય સમિતિઓ અને સંગઠનોના સભ્ય રહ્યા છે, જેમાં ઇન્ટરનેશનલ એસ્ટ્રોનોમિકલ યુનિયન અને ઇન્ટરનેશનલ એકેડેમી ઓફ એસ્ટ્રોનોટિક્સનો સમાવેશ થાય છે.
ડૉ. કસ્તુરીરંગને ભારતના અવકાશ કાર્યક્રમમાં ઘણા મહત્વપૂર્ણ યોગદાન આપ્યા હતા, જેમાં ધ્રુવીય ઉપગ્રહ પ્રક્ષેપણ વાહન (ઁજીન્ફ) અને જીઓસિંક્રોનસ ઉપગ્રહ પ્રક્ષેપણ વાહન (ય્જીન્ફ) ના સફળ પ્રક્ષેપણનો સમાવેશ થાય છે. તેમને પદ્મશ્રી, પદ્મ ભૂષણ અને પદ્મ વિભૂષણ જેવા પ્રતિષ્ઠિત પુરસ્કારોથી સન્માનિત કરવામાં આવ્યા છે. તેમને વિવિધ વૈજ્ઞાનિક એકેડેમી અને સંગઠનો દ્વારા સન્માનિત કરવામાં આવ્યા છે, જેમાં ઇન્ડિયન એકેડેમી ઓફ સાયન્સિસ, ઇન્ડિયન નેશનલ સાયન્સ એકેડેમી અને થર્ડ વર્લ્ડ એકેડેમી ઓફ સાયન્સિસનો સમાવેશ થાય છે.