અમરેલીમાં કોરોના વધુ 18 કેસ નોંધાયા, જિલ્લામાં હજુ 166 દર્દીઓ સારવાર હેઠળ, કુલ કેસની સંખ્યા 3318 પર

અમરેલી જિલ્લામાં ચિંતાજનક રીતે પોઝિટિવ કેસમાં થતો વધારો. આજે 18 પોઝિટિવ કેસ નોંધાયા સામે 10 કેસો ડિસ્ચાર્જ.

અમરેલી જિલ્લામાં છેલ્લા દિવસોમાં પોઝિટિવ કેસોમાં ચિંતાજનક ઉછાળો જોવા મળી રહ્યો છે સામે રિકવરી રેટ પણ સારો હોવાથી કોરોના દર્દીઓ કોરોના મુક્ત થઈ ડિસ્ચાર્જ પણ વધુ થઈ રહ્યા છે જે રાહત આપે છે. તંત્ર કોરોના સંક્રમણને કાબુમાં લેવા અથાગ પ્રયાસો કરી રહ્યું છે તેમાં લોકોને સહકાર આપવા વિનંતી છે. શરીરમાં હ્યુમીની બુસ્ટર વધારવા ઉકાળાનું નિયમિત સેવન કરવું. અત્યારે માસ્ક જ વેકસીન. માસ્ક ફરજીયાત પહેરી સોશ્યલ ડિસ્ટનસિંગનું પાલન અવશ્ય કરી પોતાને અને પરિવારને સુરક્ષિત રાખો. આજ તા. 10 ડિસેમ્બરના રોજ કોવિડ-19 ના અમરેલી જિલ્લામાં વધુ 18 પોઝિટિવ કેસ નોંધાયા. હાલ સારવાર હેઠળ કુલ 166 દર્દીઓ છે. આજે 10 દર્દીઓ સાજા થઇ જતા હોસ્પિટલ માથી ડિસ્ચાર્જ થયા. જિલ્લામા કોરોનાથી અત્યાર સુધીમા 39 વ્યકિત મોતને ભેટી ચુકી છે. હાલ કોરોનાના કુલ કેસની સંખ્યા 3318 પર પહોંચી છે.