જિલ્લા માહિતી કચેરીના કર્મયોગી શ્રીમતી શારદાબેન રાઠોડનો વિદાય સમારંભ યોજાયો

 જિલ્લા માહિતી કચેરીમાં ફરજ બજાવી વય નિવૃત્ત થનાર કર્મયોગી શ્રીમતી શારદાબેન રાઠોડનો આજે અમરેલી જિલ્લા માહિતી કચેરી ખાતે વિદાયમાન સમારંભ યોજાયો હતો.

પૂર્વ સંયુક્ત માહિતી નિયામકશ્રી નટુભાઈ પરમારના અધ્યક્ષ સ્થાને જિલ્લા માહિતી કચેરીના વર્તમાન અને પૂર્વ અધિકારી-કર્મચારીશ્રીઓ દ્વારા શ્રીમતી શારદાબેનને ભાવભેરી વિદાય આપવામાં આવી હતી. શ્રીમતી શારદાબેન રાઠોડે જિલ્લા માહિતી કચેરીમાં છેલ્લા ૩૫ વર્ષ ૧૦ મહિના સેવા આપી હતી અને તેઓ આજે નિવૃત્ત થયા હતા.

કાર્યક્રમમાં પ્રાદેશિક માહિતી કચેરી રાજકોટના પૂર્વ સહાયક માહિતી અધિકારીશ્રી જગદીશભાઈ સત્યદેવ, બોટાદ જિલ્લા માહિતી કચેરીના કર્મયોગીશ્રી ઉગાભાઇ બરાળ, અમરેલી જિલ્લા માહિતી કચેરીના પૂર્વ કર્મયોગીશ્રી જી.વી. દેવાણી, શ્રી એમ.જી. ભટ્ટ, શ્રી દિનેશભાઈ રાજ્યગુરુ, શ્રી ભરતભાઈ ધુવા, શ્રી હિંમતભાઈ વાઘેલા અને શારદાબેન રાઠોડના પરિવારના સદસ્યો સહિતના ઉપસ્થિત રહ્યા હતા.

નાયબ માહિતી નિયામકશ્રી ડી.જે. છાટબાર, કર્મયોગી સર્વશ્રી જયભાઇ મિશ્રા, શ્રી ધર્મેશભાઇ વાળા, શ્રી વી.આર. પીપળીયા, શ્રી બી.ડી. પાથર, શ્રી એમ.એમ. ધડુક, શ્રી એમ.વી. રાઠોડ, સુ.શ્રી માનસીબેન અને શ્રી ચિરાગભાઇ સહિત માહિતી કચેરીના સ્ટાફ દ્વારા વયનિવૃત્ત થતાં શારદાબેન રાઠોડને શાલ ઓઢાડી તેમનું સન્માન કરી અને નિરામય તેમજ મંગળ ભવિષ્યની શુભકામનાઓ પાઠવી હતી.