વિધાનસભામાં ભાજપ કોંગ્રેસના તમામ ધારાસભ્યોએ સાથે મળીને તસવીર ખેંચાવી, આ નિયમ છે

વિધાનસભામાં ભાજપ કોંગ્રેસના તમામ ધારાસભ્યોએ મળીને તસવીર ખેંચાવી હતી. લોકશાહીની ખાસિયત છે જેમાં પક્ષ વિપક્ષ વિધાનસભામાં આમને સામને જરૂર જોવા મળે છે પરંતુ અંતિમ સત્રમાં કે સત્ર બાદ તમામ ગુજરાતના ધારાાસભ્યો યાદગીરી રૂપે તસવીર ખેંચાવે છે. આજે અલગ જ નજારો જોવા મળ્યો હતો. 179 ધારાસભ્યાેએ વિધાનસભામાં સત્રના અંતિમ દિવસે તસવીર ખેંચાવી હતી. જેમાં પહેલીવાર બનેલા મુખ્યમંત્રી ભૂપેન્દ્ર પટેલ, અધ્યક્ષ નિમાબેન આચાર્ય તેમજ સુખરામ રાઠવા સહીતના પક્ષ અને વિપક્ષના નેતાઓ હાજર રહ્યા હતા. જેમાં મંત્રી, પૂર્વ મંત્રીઓ વગેરે હાજર રહ્યા હતા. સીધી ચૂંટણી ઓ આવવાની છે. જેથી આગામી સમયમાં કેટલાક ચહેરોઓ બાદ થશે કેટલાક ચહેરોઓનો સમાવેશ થશે, જેથી આ તસવીર મહત્વપૂર્ણ બની રહેશે.

ખાસ કરીને આજે વિધાનસભા સત્રનો અંતિમ દિવસ છે હતો આગામી સમયમાં ચૂંટણીઓ આવવાની હોવાથી આ નવી સરકાર માટે તેમજ કોંગ્રેસના ધારાસભ્યો માટે અંતિમ સત્ર કહી શકાય. કેમ કે, ચૂંટણી બાદ નવું મંત્રીમંડળ બનશે અને કોંગ્રેસમાં પણ કેટલાક ધારાસભ્યોની બાદબાકી તેમજ કેટલાક નવા આવશે ત્યારે આ બજેટ સત્રનો અંતિમ દિવસ હોવાથી રાજ્યના કોંગ્રેસ અન ભાજપના તમામ ધારસભ્યોનું ફોટો સેશન વિધાનસભા સત્ર પહેલા યોજવામાં આવ્યું હતું.
વિધાનસભામાં 182 ધારાસભ્યો છે પરંતુ 179 જ ધારાસભ્યો આ ફોટો સેશનમાં જોડાયા હતા કેમ કે, આ પહેલા ઉંઝાના ભાજપના ધારાસભ્ય આશાબેન પટેલ અને કોંગ્રેસના ધારાસભ્ય અનિલ જોષીયારાનું નિધન થઈ ચૂક્યું છે. જેથી આ વખતે 179 જ ધારાસભ્યોએ હસતા મોંએ ચૂંટણી પહેલાની અંતિમ વિધાનસભામાં તસવીર ખેંચાવી હતી.