શિવરાત્રિના દિવસે ભોલેનાથને ઘરે ચઢાવો ઠંડાઇનો ભોગ, આ રીતે બનાવો તમે પણ

શિવરાત્રિના દિવસે તમે પણ ઘરે આ રીતે ઠંડાઇ બનાવો. આ ઠંડાઇ ઘરમાં બધાને બહુ ભાવશે. આ ઠંડાઇ તમે પ્રસાદમાં પણ મુકી શકશો. આ ઠંડાઇ તમે ઉનાળામાં પીશો તો ગરમીમાંથી અનેક રાહત મળશે. તો જાણી લો કેવી રીતે બનાવશો ઠંડાઇ.

સામગ્રી  

1.5 લીટર મલાઈ વાળુ દૂધ

1.5 વાટકી ખાંડ

બદામ

કાજુ

પિસ્તા

મગજતરીના બી

3 મોટી ચમચી ખસખસ

1 ચમચી વરિયાળી

કેસરના તાંતણા

એલચી

તજનો ટુકડો

મરીના ટુકડા

ગુલાબની પાંદડી

બનાવવાની રીત

• ઠંડાઇ બનાવવા માટે સૌ પ્રથમ ફૂલ ફેટ મલાઈવાળુ દૂધ લો.
• આ દૂધને મિડીયમ ગેસ પર ગરમ કરો.
• દૂધ ઉકળવા આવે ત્યારે એમાં કેસર અને ખાંડ નાંખી દો.
• ત્યારપછી 4-5 મિનિટ સુધી દૂધ ઉકાળો.
• આ બધી પ્રોસેસ થઇ જાય એટલે બદામ, કાજુ, પિસ્તા, મગજતરીના બી, વરિયાળી અને ખસખસને એક સાથે પીસી લો.
• હવે પેસ્ટ બનાવવા માટે થોડુ દૂધ પણ તમે ઉમેરી શકો છો.
• પછી એલચી, ગુલાબની પાંખડી, તજ અને મરીને પીસી લો અને બારીક પાઉડર બનાવી લો.
• ઉપર જણાવેલ મુજબ બધી જ પ્રોસેસ થઇ જાય પછી દૂધ કેટલુ ઉકળ્યુ છે એ ચેક કરી લો. જો દૂધ બરાબર ઉકળ્યુ ના હોય તો હજુ થોડી વાર સુધી ઉકાળો.
• હવે એમાં સૂકામેવાની પેસ્ટને દૂધમાં મિક્સ કરી દો અને પાંચ મિનિટ સુધી ધીમા ગેસ પર ઉકળવા દો.
• હવે ઉપર જણાવ્યા મુજબ બનાવેલો મસાલો આમાં એડ કરી દો.
• તો તૈયાર છે ‘ઠંડાઇ’
• આ ઠંડાઇમાં તમે ગુલાબની પાંખડી નાંખીને સર્વ કરો છો તો દેખાવમાં મસ્ત લાગશે.
• આ ઠંડાઇમાં તમે બરફ પણ નાંખી શકો છો.
• બરફ નાંખીને ઠંડાઇ પીશો તો પીવાની બહુ જ મજા આવશે.