સલમાન ખાન જૈન મુનિને મળવા પહોંચ્યો, કારણ જાણીને ચોંકી જશો

બોલીવુડના ભાઈજાન, એક્ટર સલમાન ખાનની ફેન ફોલોઇંગ વિશે બધા જાણે છે. દુનિયાભરમાં સલમાનના ફેન્સ છે અને દરેક તેને મળવાનું સપનું જુએ છે. હજારો લોકો સલમાન ખાનના ઘરની બહાર ઉભા રહે છે. નોંધનીય છે કે જે એક્ટરને મળવા હજારો લોકો આતુર હોય છે તે બધુ છોડીને કોઈને મળવા પહોંચ્યો. હાલમાં એક તસવીર વાયરલ થઈ રહી છે, જેમાં સલમાન એક જૈન મુનિને મળવા પહોંચ્યો છે. આ મુલાકાતની પાછળનું કારણ ખુબ રસપ્રદ છે. આવો જાણીએ સલમાન ખાન દિગ્ગજ જૈન મુનિ આચાર્ય વિજય હંસરત્નસુરને મળવા કેમ પહોંચ્યો હતો. જેમ અમે તમને જણાવ્યું કે સલમાન ખાનની એક તસવીર ઝડપથી વાયરલ થઈ રહી છે, જેમાં તે નમી જૈન મુનિ આચાર્ય વિજય હંસરત્નસુપને મળી રહ્યો છે.

તસવીરમાં જાેઈ શકાય છે કે સલમાન ખાને કાળું ટી-શર્ટ પહેર્યું છે. આ ફોટો સોશિયલ મીડિયા પર વાયરલ થઈ રહ્યો છે. કહેવામાં આવી રહ્યું છે કે આચાર્ય વિજય હંસરત્નસુરે રવિવારે પોતાના ૧૮૦ દિવસના ઉપવાસને પૂર્ણ કર્યા છે, ત્યારબાદ સલમાન ખાન તેમને મળવા પહોંચ્યો હતો. આચાર્ય આવા ૧૮૦ દિવસના ઉપવાસ આ પહેલા પાંચ વખત કરી ચુક્યા છે. આ વાતથી પ્રભાવિત થઈને સલમાન ખાન આચાર્ય વિજય હંસરત્નસુરને મળવા પહોંચ્યો હતો. તેમને મળીને જૈન ધર્મના તમામ પાસાઓ અને રીતિ-રિવાજાે વિશે જાણ્યું અને આચાર્ય જીએ કહ્યુ કે તેમની પાસે પહેલા પણ ઘણી મોટી હસ્તિઓ આશીર્વાદ લઈ ચુકી છે. સલમાન ખાન જલદી બિગ બોસની ૧૬મી સીઝનને હોસ્ટ કરશે. સાથે સલમાને ટાઇગર ૩નું શૂટિંગ પૂરુ કરી લીધું છે અને ‘કિસી કા ભાઈ કિસી કી જાન’ ફિલ્મ પર કામ કરી રહ્યો છે, જેમાં તેની સાથે પૂજા હેગડે અને શહનાઝ ગિલ જાેવા મળશે.