સુરતના સિંગણપુર વિસ્તારમાં કિશોરીની છેડતી કરવાના સીસીટીવી સોશિયલ મીડિયામાં વાઇરલ

પોલીસે રાજસ્થાનના બાંસવાડા ખાતેથી આરોપીને ઝડપી પાડ્યો સુરતમાં રસ્તે ચાલતી દિકરીની શારીરિક છેડતી કરનાર આરોપીને ૩૬ કલાકમાં સુરત સિંગણપોર પોલીસે રાજસ્થાનના બાંસવાડા ખાતેથી ઝડપી પાડી વધુ તપાસ હાથ ધરી છે. આ સાથે દીકરી અને તેના પરિવારનો વિડીયો વાયરલ કરનાર સામે પણ પોલીસે ગુનો દાખલ કરી આગળની કાર્યવાહી હાથ ધરી છે. સુરતમાં રસ્તે ચાલતી સગીરાની અજાણ્યા ઇસમ દ્વારા શારીરિક છેડતી કરવામાં આવી હતી.આ ઘટનાનો વિડીયો સુરતના સોસીયલ મીડિયા પર વાયરલ થયો હતો.

૧૨મી જાન્યુઆરીના રોજ બનેલી આ ઘટના બાદ સીંગણપોર પોલીસે ૨૪મી જાન્યુઆરીએ અજાણ્યા શખ્સ વિરુદ્ધ ગુનો દાખલ કરી આરોપીની શોધખોળ શરૂ કરી હતી. બીજી તરફ આ ઘટનામાં દીકરી સને તેના પરિવારની ઓળખ છતી થાય તે પ્રકારનો વિડીયો સોશિયલ મીડિયા પર ફરતો કરાયો હતો.જે અંગે પણ પોલીસે પરિવારની ફરિયાદના આધારે ગુનો નોંધી તપાસ હાથ ધરી હતી. દરમ્યાન સગીરાની છેડતી કરનારા ઇસમની ઓળખ મેળવવા પોલીસે અલગ અલગ ટિમો બનાવી હતી.જ્યાં પોલીસ સ્ટેશન હદ વિસ્તારમાં જ ચાલતી કંસ્ટ્રક્શન સાઇટ પર આ શખ્સ મંજૂરી કામ કરતો હોવાનું માલુમ પડ્યું હતું. જે શખ્સ ઘટના બાદ રાજસ્થાન ખાતે ભાગી છૂટ્યો હતો.

જેથી સીંગણપોર પોલીસે ટીમ રાજસ્થાન રવાના કરી હતી.જ્યાં રાજસ્થાનના બાંસવાડા ખાતેથી આરોપી સોહન શંકર નામના ઇસમને ઝડપી પાડી સુરત લઈ આવવામાં આવ્યો હતો.જે શખ્સને સુરત કોર્ટમાં રજૂ કરી પાંચ દિવસના પોલીસે રિમાન્ડ મેળવ્યા હતા. આ અંગે સુરત ડીસીપી પીણાકીન પરમારે પત્રકાર પરિષદને સંબોધતા જણાવ્યું હતું કે, ૨૪મી જાન્યુઆરીના રોજ પોકસો એકટ ગુનો નોંધાયો હતો.૧૨મી જાન્યુઆરીના રોજ દીકરીની એક અજાણ્યા ઇસમ દ્વારા છેડતી કરવામાં આવી હતી. જેથી પોલીસે અજાણ્યા વિરુદ્ધ ગુનો દાખલ કરી તપાસ હાથ ધરી હતી. આ માટે અલગ અલગ ટિમો બનાવી આરોપીને ઝડપી પાડવા ચક્રોગતિમાન કર્યા હતા. જ્યાં માત્ર ૩૬ કલાકમાં જ રાજસ્થાન ના બાંસવાડા ખાતેથી આરોપી સોહન શંકર નામના છેડતીખોર આરોપીને ઝડપી પાડવામાં આવ્યો છે.

જે આરોપીને સુરત કોર્ટમાં રજૂ કરી પાંચ દિવસના આરોપીના રિમાન્ડ મેળવવામાં આવ્યા છે. વધુમાં ડીસીપી પીણાકીન પરમારે જણાવ્યું હતું કે, ૧૨મી જાન્યુઆરીના રોજ જાગૃત નાગરિક દ્વારા અભયમને આ બાબતની જાણ કરવામાં આવી હતી. જ્યાં પરિવારજનો જે તે સમયે પોલીસ સ્ટેશન ફરિયાદ કરવા આવ્યા હતા. જ્યાં બાદમાં પોલીસ દ્વારા તત્કાલિક તપાસ શરૂ કરવામાં આવી હતી. પરંતુ ત્યારબાદ દીકરીના પિતા પોલીસ સ્ટેશન આવ્યા અને બદનામીના ડરથી ફરિયાદ આપવાનું ટાળ્યું હતું. ૨૪મી જાન્યુઆરી ના રોજ આ ઘટનાનો વિડીયો વાયરલ થયો હતો.જે વિડીયો દીકરીના માતા-પિતા પાસે આવ્યો હતો,જે બાદ માતા-પિતા પોલીસ સ્ટેશન ફરિયાદ આપવા આવ્યા હતા.

જ્યાં છેડતી ની સાથે સાથે દીકરી અને તેના માતા-પિતાની ઓળખ છતી થતાં તે બાબતે નો પણ ગુનો નોંધવામાં આવ્યો છે. તમામ પાસાઓને ધ્યાનમાં રાખવામાં આવી રહ્યા છે.ઘટનામાં કોઈ ક્ષતી પોલીસની જણાશે તો તેઓની સામે પણ કાર્યવાહી કરાશે.વધુમાં ડીસીપી પીનાકીન પરમારે ઉમેર્યું કે, વિડીયો વાયરલ કઈ રીતે થયો અને ડીવીઆર ક્યાં હતું તેની પણ તપાસ કરવામાં આવી રહી છે.