‘બોર્ડર ૨’નું ટીઝર જાહેર થયું

‘ગદર ૨’ પછી સની દેઓલ ‘બોર્ડર ૨’ લઈને આવી રહ્યા છે, અને હવે આ ફિલ્મની ઓફિશિયલ જાહેરાત પણ કરવામાં આવી છે. વરુણ ધવને પણ આ ફિલ્મમાં શાનદાર એન્ટ્રી કરી છે અને ટીઝરમાં તેનો અવાજ પણ સાંભળી શકીએ છીએ. વરુણ ધવને પોતે ઈન્સ્ટાગ્રામ પર ફિલ્મનું ટીઝર શેર કર્યું છે. ટીઝરની શરૂઆત સોનુ નિગમના અવાજથી થાય છે જેમાં તે બોર્ડરનું પ્રખ્યાત ગીત ‘સંદેશ આતે હૈં’ ગાય છે, આગળ વરુણ ધવનનો અવાજ આવે છે અને તે કહે છે, ‘દુશ્મનની દરેક ગોળી મને જય હિંદ કહીને વાગે છે, જ્યારે ધરતી માતા બોલાવે છે, હું બધું છોડી દઉં છું.’ પોસ્ટમાં ફિલ્મની રિલીઝ ડેટ પણ જાહેર કરવામાં આવી છે. તમે આ ફિલ્મ ૨૩ જાન્યુઆરી ૨૦૨૬ ના ગણતંત્ર દિવસના અવસર પર જાેઈ શકશો.

વરુણ ધવને ટીઝરની સાથે એક લાંબી પોસ્ટ પણ લખી છે, અભિનેતાએ કેપ્શનમાં લખ્યું છે, “હું ચોથા ધોરણનો બાળક હતો જ્યારે હું ચંદન સિનેમા ગયો અને બોર્ડર જાેયું અને તેની મારા પર ખૂબ જ ઊંડી છાપ પડી. સભાખંડમાં આપણે બધાએ અનુભવેલી રાષ્ટ્રીય ગૌરવની ભાવના મને હજુ પણ યાદ છે. મેં આપણા સશસ્ત્ર દળોને આદર્શ માનવાનું શરૂ કર્યું અને આજે પણ હું તેમને સલામ કરું છું કે તેઓ કેવી રીતે આપણું રક્ષણ કરે છે અને આપણને સુરક્ષિત રાખે છે, પછી તે આપણી સરહદો પર હોય કે કુદરતી આફતો દરમિયાન. જે.પી. દત્તા સરની યુદ્ધ મહાકાવ્ય હજુ પણ મારી પ્રિય ફિલ્મોમાંની એક છે.

તેમણે આગળ લખ્યું કે, જેપી સર અને ભૂષણ કુમાર દ્વારા નિર્મિત બોર્ડર ૨ માં ભૂમિકા ભજવવી એ મારી કરિયરની ખૂબ જ ખાસ ક્ષણ છે અને મને મારા હીરો સની પાજી સાથે કામ કરવાની તક મળી, જે તેને વધુ ખાસ બનાવે છે. હું એક બહાદુર સૈનિકની વાર્તાને પડદા પર લાવવા માટે આતુર છું જે ભારતની સૌથી મહાન યુદ્ધ ફિલ્મ બનવાનું વચન આપે છે. હું તમને શુભેચ્છા પાઠવું છું જય હિંદ.” બોર્ડર ૨નું નિર્માણ ટી-સીરીઝના ભૂષણ કુમાર અને બોર્ડરના નિર્દેશક જેપી દત્તા દ્વારા કરવામાં આવી રહ્યું છે. અનુરાગ સિંહ આ ફિલ્મનું નિર્દેશન કરી રહ્યા છે. પહેલી બોર્ડરનું નિર્દેશન, લેખન અને નિર્માતા જેપી દતા હતા.