અમરેલીના ચાડીયા મુકામે મુખ્યમંત્રીશ્રીની ઉપસ્થિતિમાં યોજાયેલા કાર્યક્રમમાં આઇ.સી.ડી.એસ. દ્વારા વાનગીઓનો નિદર્શન સ્ટોલ

 રાજ્યના મુખ્યમંત્રી શ્રી ભૂપેન્દ્રભાઈ પટેલે અમરેલી જિલ્લાની મુલાકાતે પધાર્યા હતા.સાવરકુંડલા ખાતે વિવિધ વિકાસ પ્રકલ્પોના ખાતમુહૂર્તના કાર્યક્રમમાં મુખ્યમંત્રી શ્રી સહભાગી બન્યા હતા.શ્રી અન્નપૂર્ણા ચેરિટેબલ ટ્રસ્ટ અમદાવાદ- ચાડિયા દ્વારા અમરેલીના ચાડીયા મુકામે યોજાયેલા માતૃ વંદના ભૂમિ પૂજન કાર્યક્રમમાં આઇસીડીએસ દ્વારા પૌષ્ટિક વાનગીઓનું નિર્દશન કરવામાં આવ્યું હતું. મુખ્યમંત્રી શ્રીએ આ વાનગીઓને નિહાળી હતી.મહિલા અને બાળ વિકાસ વિભાગ (આઇ.સી.ડી.એસ.) અમરેલી ઘટક- ૨ દ્વારા પ્રીમિક્સ, મીલેટ્સ અને કઠોળ સહિતની વિવિધ વાનગીઓનો નિદર્શન સ્ટોલ રાખવામાં આવ્યો હતો. મુખ્યમંત્રી શ્રી ભૂપેન્દ્રભાઈ પટેલે વાનગીઓનું નિદર્શન આઇ.સી.ડી.એસ. દ્વારા કરવામાં આવતી કામગીરીને બિરદાવી હતી. આ કાર્યક્રમમાં અમરેલી જિલ્લા વિકાસ અધિકારીશ્રી પરિમલ પંડ્યા, ધારાસભ્ય શ્રીઓસહિત પદાધિકારી શ્રી-અધિકારીશ્રીઓ સહિતના ઉપસ્થિત રહ્યા હતા.