વાવણીથી કાપણી સુધીના ખેતી કાર્યોના આયોજન માટે ઉપયોગી છે ખેતીવાડીની “કૃષિ પ્રગતિ” મોબાઇલ એપ્લિકેશન

ખેતીમાં નવીનતમ ટેકનોલોજી લાવવા તથા નવીનતમ ટેકનોલોજીના માધ્યમથી ખેડુતોની સુખાકારી વધે તે હેતુથી રાજ્ય સરકાર દ્વારા એપ્લિકેશન તૈયાર કરવામાં આવી છે.

Satellite data, Weather data, Artificial Intelligence જેવી નવિનતમ આધુનિક ટેકનોલોજીનો ઉપયોગ ખેતી પ્રવૃત્તિઓમાં થાય અને તેના થકી ખેતીલક્ષી આવક વધે તે ઉમદા હેતુથી કૃષિ વિભાગ દ્વારા “કૃષિ પ્રગતિ” મોબાઇલ એપ્લિકેશન ઉપલબ્ધ કરવામાં આવી છે. આ મોબાઇલ એપ્લિકેશનના માધ્યમથી વાવણીથી કાપણી સુધીના ખેતી કાર્યોમાં વધુ સુધારાઓ અમલી થશે.

આ એપ્લિકેશનના માધ્યમથી હવામાનને લગતી વિગત, જમીનમાં ભેજનું પ્રમાણ તથા પાકની તંદુરસ્તીને લગતી સેટેલાઈટ આધારિત વિગતો મળશે. પાકમાં આવેલ રોગ-જીવાતનાં ફોટોગ્રાફ અપલોડ કરી Artificial Intelligence  ટેકનોલોજી મારફત તેની સંભવિત ઓળખ અને તેના સંભવિત ઉપાય પણ આ એપ્લિકેશન દ્વારા મળશે.

કૃષિ સબંધિત વિગતો અને જાણકારી પૂરી પાડવા તૈયાર કરવામાં આવેલી આ એપ્લિકેશન પ્લે સ્ટોર https://play.google.com/store/apps/details?d=c અને એપલ સ્ટોર https://apps.apple.com/in/app/krushipragati/id6738912340 ડાઉનલોડ થશે. એપ્લિકેશનના માધ્યમથી ખેતીલક્ષી વિગતો અને સેવાઓનો વિનામૂલ્યે લાભ મળશે. વધુમાં વધુ ખેડૂતોને આ એપ્લિકેશનનો લાભ લેવા અમરેલી જિલ્લા ખેતીવાડી અધિકારીશ્રીએ એક અખબારી યાદીમાં અનુરોધ કર્યો છે.