“સાવરકુંડલા તાલુકાના ગાધકડા ગામે સુપ્રસિદ્ધ રામજી મંદિર ખાતે નવરાત્રી મહોત્સવની ભવ્ય ઉજવણી ભક્તિ, સંસ્કૃતિ અને લોકસંપર્કનો ત્રિવેણી સંગમ”

સાવરકુંડલા તાલુકાના ગાધકડા ગામે આસો સુદ એકમથી નોમ સુધી શ્રી રામજી મંદિર ખાતે ભવ્ય નવરાત્રી મહોત્સવનું આયોજન કરવામાં આવ્યું હતું. નવ દિવસ સુધી ચાલનારા આ મહોત્સવમાં મોટી સંખ્યામાં ગ્રામજનો અને આસપાસના વિસ્તારના ભાવિક ભક્તોએ ભાગ લીધો હતો.

મંદિર પરિસરને રંગબેરંગી રોશની અને ફૂલોથી શણગારવામાં આવ્યું હતું, જેના કારણે આખું વાતાવરણ ભક્તિમય બની ગયું હતું. નવ દિવસ સુધી માતાજીની ભવ્ય આરતી અને પૂજાનું આયોજન કરવામાં આવ્યું હતું, જેમાં મોટી સંખ્યામાં મહિલાઓ અને પુરુષોએ ભાગ લીધો હતો.

નવરાત્રી દરમિયાન રાત્રિના સમયે ભવ્ય રાસ-ગરબાનું આયોજન કરવામાં આવ્યું હતું. પરંપરાગત વસ્ત્રોમાં સજ્જ થઈને ખેલૈયાઓએ મન મૂકીને રાસ-ગરબાની રમઝટ બોલાવી હતી. આ મહોત્સવને સફળ બનાવવા માટે શ્રી રામજી મંદિરના પૂજારી ગોંડલીયા જગદીશભાઈ , અશોકભાઈ , આશારામભાઈ અને ગામના યુવાનોએ ભારે જહેમત ઉઠાવી હતી. આ ભવ્ય આયોજન બદલ સૌ ગ્રામજનોએ આભાર વ્યક્ત કર્યો હતો. આ મહોત્સવ દ્વારા ગ્રામજનોને એકસાથે મળીને ભક્તિ અને સંસ્કૃતિનો આનંદ માણવાની તક મળી હતી.

આ મહોત્સવ દ્વારા ગામમાં એકતા, પ્રેમ અને ભક્તિનો માહોલ જોવા મળ્યો હતો, જે ખરેખર પ્રશંસનીય છે. એમ હાર્દિકભાઈ ચંદારાણાએ એક યાદીમાં જણાવ્યું હતું .