શ્રી કે.કે હાઈસ્કૂલના યજમાનપદે સાવરકુંડલા તાલુકા કક્ષાનો ખેલ મહાકુંભ ૨૦૨૫ યોજાઈ ગયો

સાવરકુંડલા તાલુકા કક્ષાના ખેલ મહાકુંભ ૨૦૨૫નું આયોજન શ્રી કે.કે હાઈસ્કૂલના યજમાનપદે તારીખ ૬ નવેમ્બર થી ૧૧ નવેમ્બર સુધી કરવામાં આવ્યું હતું. જેમાં સાવરકુંડલા તાલુકાની ઘણી બધી શાળા-કોલેજોના વિદ્યાર્થીઓ તથા યુવાનોએ બહોળી સંખ્યામાં ભાગ લીધો હતો. આ સ્પર્ધામાં ચેસ, યોગ, રસ્સાખેંચ,વોલીબોલ,કબડ્ડી ખોખો અને એથ્લેટિક્સ જેવી વિવિધ રમતોનું આયોજન થયું. ખેલ મહાકુંભના કન્વીનર તરીકે શાળાના વ્યાયામ શિક્ષક શ્રી વિપુલભાઈ દવે મહત્વની ભૂમિકા ભજવી હતી તથા સાવરકુંડલા તાલુકાના વ્યાયામ શિક્ષક મિત્રોએ રેફરી તરીકે ઉમદા કામગીરી કરી હતી.આ ઉમદા કામગીરી બદલ શાળાના પ્રિન્સિપાલ અને સમગ્ર ખેલમહાકુંભના સંચાલક શ્રી ચેતનભાઇ ગુજરીયાએ શાળાના વ્યાયામ શિક્ષકશ્રી,ખેલ સહાયક મિત્રોને આભાર સાથે અભિનંદન પાઠવ્યા હતા. સમગ્ર સ્પર્ધા ખૂબ જ શાંતિપૂર્ણ રીતે પૂર્ણ થઈ હતી.