અમરેલી ઔદ્યોગિક તાલીમ સંસ્થા ખાતે યોજાશે ‘ફ્રી સમર સ્કિલ વર્કશોપ-૨૦૨૬’ : તા.૨૧ જૂન, ૨૦૨૬ સુધીમાં અરજી કરવી

ધો. ૦૮ પાસ કે તેથી વધુ લાયકાત ધરાવતા હોય તેવા અમરેલી જિલ્લાના ઉમેદવારોને રોજગારીલક્ષી માર્ગદર્શન મળી રહે અને તેમની ઉજ્જવળ કારકિર્દીના ઘડતર માટે જરુરી કૌશલ્ય વિકાસના હેતુસર કૌશલ્ય વર્ધન કેમ્પનું આયોજન કરવામાં આવ્યું છે.

અમરેલી ઔદ્યોગિક તાલીમ સંસ્થા ખાતે યોજાનાર આ તાલીમથી ઉમેદવારો વાકેફ થાય તેમજ તેઓને કારકિર્દી ઘડતર માટે વિશેષ માર્ગદર્શન મળી રહેશે. આગામી તા. ૨૨ જૂન અને તા.૨૩ જૂન, ૨૦૨૬ના રોજ સવારે ૧૦:૦૦ કલાક થી બપોરે ૦૩.૦૦ કલાક સુધી અમરેલી આઇ.ટી.આઇ. ખાતે “FREE SUMMER SKILL WORKSHOP 2026″નું આયોજન છે.

જેમાં કમ્પ્યુટર, સીવણ, ઇલેક્ટ્રિકલ, મિકેનિકલ, સિવિલ, હેલ્થ, કેમિકલ, બ્યુટી પાર્લર,  જેવા વિવિધ ગ્રુપની ૦૨ દિવસની પ્રાયોગિક તાલીમ આપવામાં આવશે. આ તાલીમ કાર્યક્રમ પૂર્ણ કરનાર તાલીમાર્થીઓને તે અંગેનું પ્રમાણપત્ર એનાયત કરવામાં આવશે. આથી, ધો.૦૮ પાસ કે તેથી વધુ લાયકાત ધરાવતા અને લાભ લેવા ઇચ્છતા તમામ ઉમેદવારોએ ૯૪૨૪૦ ૧૭૬૨૬ પર પોતાનું નામ લખી વ્હોટ્સ અપ મેસેજ કરી તા.૨૧ જૂન, ૨૦૨૬ સુધીમાં રજિસ્ટ્રેશન કરાવી લેવું.

આ અંગેની વધુ વિગતો પણ આ નંબર પર સંપર્ક કર્યેથી મેળવી શકાશે, તેમ અમરેલી ઔદ્યોગિક તાલીમ સંસ્થાના આચાર્યશ્રીએ એક યાદીમાં જણાવ્યું છે.