એર માર્શલ એસપી ધારકર ભારતીય વાયુસેનાના વાઇસ ચીફ ઓફ ધ એર સ્ટાફ તરીકે નિવૃત્ત થયા

એર માર્શલ એસપી ધારકર ૪૦ વર્ષની દેશસેવા પૂર્ણ કર્યા બાદ ૩૦ એપ્રિલ ૨૦૨૫ના રોજ ભારતીય વાયુસેના (ૈંછહ્લ)માંથી વાઇસ ચીફ ઓફ ધ એર સ્ટાફ તરીકે નિવૃત્ત થયા.
એર માર્શલ ધારકરને ૧૪ જૂન ૧૯૮૫ના રોજ ૈંછહ્લના ફાઇટર સ્ટ્રીમમાં ફ્લાઇંગ પાઇલટ તરીકે કમિશન આપવામાં આવ્યું હતું અને તેમણે ૈંછહ્લના વિવિધ વિમાનોમાં ૩૬૦૦ કલાકથી વધુ સમય ઉડાન ભરી હતી. તેઓ એક યોગ્ય ફ્લાઇંગ પ્રશિક્ષક, ફાઇટર સ્ટ્રાઇક લીડર અને ઇન્સ્ટ્રૂમેન્ટ રેટિંગ પ્રશિક્ષક અને પરીક્ષક છે. તેઓ નેશનલ ડિફેન્સ એકેડેમી, ડિફેન્સ સર્વિસીસ સ્ટાફ કોલેજ, ભારત અને આર્મી વોર કોલેજ, યુએસએના ભૂતપૂર્વ વિદ્યાર્થી છે.
તેમણે તેમની કારકિર્દીમાં ઘણાં મહત્વપૂર્ણ પદો સંભાળ્યા હતા. જેમાં ઇસ્ટર્ન એર કમાન્ડ (ઈછઝ્ર)માં એર ઓફિસર કમાન્ડિંગ-ઇન-ચીફ અને સાઉથ વેસ્ટર્ન એર કમાન્ડમાં સિનિયર એર સ્ટાફ ઓફિસરનો સમાવેશ થાય છે. તેમણે ૐઊ ઈછઝ્રમાં એર ડિફેન્સ કમાન્ડર અને એર હેડક્વાર્ટરમાં આસિસ્ટન્ટ ચીફ ઓફ ધ એર સ્ટાફ (ટ્રેનિંગ)ના હોદ્દા પણ સંભાળ્યા હતા. તેઓ ડિફેન્સ સ્પેસ એજન્સીના પ્રથમ ડાયરેક્ટર જનરલ હતા.
તેમની અસાધારણ ઉચ્ચ કક્ષાની પ્રતિભાશાળી સેવાઓ બદલ, એર માર્શલને ૨૦૧૪માં અતિ વિશિષ્ટ સેવા મેડલ, ૨૦૨૩માં પરમ વિશિષ્ટ સેવા મેડલ અને ૨૦૨૫માં ઉત્તમ યુદ્ધ સેવા મેડલ એનાયત કરવામાં આવ્યા હતા.