અમરેલીમાં દોડ અને સ્ટેન્ડિંગ બ્રોડ જમ્પ સ્પર્ધા માટે જિલ્લા કક્ષાની બેટરી ટેસ્ટનું આયોજન, બહેનો માટે તા.૧૦ ફેબ્રુઆરી અને ભાઈઓ માટે તા.૧૨ ફેબ્રુઆરી બેટરી ટેસ્ટ : પસંદગી પામેલ ખેલાડીઓને ઉપસ્થિત રહેવા અનુરોધ

 અમરેલી જિલ્લાના ખેલ મહાકુંભ ૨૦૨૫માં અંડર – ૦૯ અને અંડર-૧૧ તાલુકા કક્ષાની ૩૦ મીટર દોડ, ૫૦ મીટર દોડ અને સ્ટેન્ડિંગ બ્રોડ જમ્પ સ્પર્ધાઓના ૧ થી ૮ વિજેતા ભાઈઓ-બહેનો જિલ્લા કક્ષાએ બેટરી ટેસ્ટ આપી શકશે.

તાલુકા કક્ષાએ બેટરી ટેસ્ટમાં પસંદગી પામેલા ખેલાડીઓની જિલ્લા કક્ષાના બેટરી ટેસ્ટનું અમરેલી સરદાર પટેલ રમત સંકુલ (ગોળ દવાખાનાની બાજુ, ચિતલ રોડ) ખાતે અંડર – ૦૯ અને ૧૧ બહેનો માટે તા.૧૦-૦૫-૨૦૨૬ના તથા અંડર-૦૯ અને અંડર-૧૧ ભાઈઓ માટે તા.૧૧-૦૨-૨૦૨૬ના રોજ સવારે ૬.૩૦ કલાકે આયોજન કરવામાં આવ્યું છે.

આમ ૧ થી ૮ ક્રમમાં પસંદગી પામેલ ખેલાડીઓએ જિલ્લા કક્ષાના બેટરી ટેસ્ટ માટે આધાર કાર્ડ અને સ્કૂલ આઈ.ડી સાથે સ્વખર્ચે સ્પર્ધા સ્થળ ખાતે ઉપસ્થિત રહેવું.

રાજ્ય સરકારના રમતગમત, યુવા અને સાંસ્કૃતિક પ્રવૃત્તિઓ વિભાગ હેઠળની સ્પોર્ટ્સ ઓથોરિટી ઓફ ગુજરાત, ગાંધીનગર દ્વારા જિલ્લા કક્ષા સ્પોર્ટ્સ સ્કુલ યોજના અંતર્ગત આગામી શૈક્ષણિક વર્ષના સમયગાળા દરમિયાન યોગ્યતા ધરાવતા ખેલાડીઓની પસંદગી કરવાની રહે છે, જેના માટે સ્પોર્ટ્સ ઓથોરિટી ઓફ ગુજરાત દ્વારા યંગ ટેલેન્ટ પસંદગી પ્રક્રિયા હાથ ધરવામાં આવે છે, તેમ અમરેલી જિલ્લા રમત વિકાસ અધિકારીશ્રીએ એક