ઈરાનમાં સુપ્રીમ લીડર આયાતુલ્લાહ ખામેનીને મારવાનો કરાયો પ્રયાસ!..

ઈરાનના લોકો ૨૨ વર્ષની મહસા અમીનીના મોતથી હજુ પણ ગુસ્સે છે. હિજાબ સામેના વિરોધમાં અનેક લોકોના જીવ ગયા છે. દરમિયાન, ઈરાનવાયરના અહેવાલમાં દાવો કરવામાં આવ્યો હતો કે, કેટલાક ક્રાંતિકારી ગાર્ડોએ સુપ્રીમ લીડર અયાતુલ્લા અલી ખામેનીના નિવાસસ્થાને તોપખાના વડે નિશાન બનાવવાનો પ્રયાસ કર્યો હતો. ઇસ્લામિક રિવોલ્યુશનરી ગાર્ડ કોર્પ્સ (ૈંઇય્ઝ્ર) ની અંદરના કેટલાક અસંતુષ્ટ તત્વોએ ખમેનીને નિશાન બનાવવાનું કાવતરું ઘડ્યું હતું. ઈરાનવાયરએ અહેવાલ આપ્યો કે, ૩ જાન્યુઆરીના રોજ સર્વોચ્ચ નેતા સાથેની બેઠક દરમિયાન, રિવોલ્યુશનરી ગાર્ડ્‌સના કમાન્ડરોએ ચાલી રહેલા વિરોધ પ્રદર્શન પર તેમની નિરાશા વ્યક્ત કરી અને ઈસ્લામિક રિપબ્લિકના ભાવિ વિશે ખમેનીને ચેતવણી આપી હતી.

ચાર કલાક ચાલેલી આ બેઠકમાં કમાન્ડરો અને સુરક્ષા અધિકારીઓ હાજર રહ્યા હતા. આ બેઠક ૈંઇય્ઝ્રના ઓપરેશન કુદસ ફોર્સના દિવંગત કમાન્ડર કાસિમ સુલેમાનીની હત્યાની ત્રીજી વરસી પર બોલાવવામાં આવી હતી. મીટિંગ દરમિયાન, વરિષ્ઠ ૈંઇય્ઝ્ર કમાન્ડરોએ ખમેનીને ઈરાનની સુરક્ષા સ્થિતિ અંગેના તેમના મૂલ્યાંકનની માહિતી આપી હતી. કેટલાક કમાન્ડરોએ સ્વીકાર્યું હતું કે, તેમના કમાન્ડ હેઠળના મોટાભાગના દળોએ શાસન સામે વિરોધ કરી રહેલા નાગરિકો પર ગોળીબાર કરવાના આદેશોનો પણ અવગણના કરી હતી. આ ઉપરાંત, ખમેનીને લશ્કરી મનોબળમાં ઘટાડો અને રેન્ક-એન્ડ-ફાઈલ ૈંઇય્ઝ્ર અધિકારીઓ વચ્ચેની લડાઈમાં વધારો વિશે પણ ચેતવણી આપવામાં આવી હતી. ૈંઇય્ઝ્રમાં ખામેનીના પ્રતિનિધિ અબ્દુલ્લા હાજી સદેગીએ બેઠકમાં કહ્યું હતુ કે, “અમારા અહેવાલોના આધારે, એવું લાગે છે કે, ૈંઇય્ઝ્ર દળનું મનોબળ ગયા વર્ષની સરખામણીમાં ઘટી ગયું છે.

” જાેકે, હાજીએ સર્વોચ્ચ નેતા અને તેમના કમાન્ડરોને ચેતવણી આપતાં કહ્યું કે, “અમે તમામ વિભાગોમાં વિવિધ એકમો પાસેથી માહિતી અને ડેટા એકત્રિત કર્યા છે, જે રેન્કમાં ઝઘડાનું અસ્તિત્વ દર્શાવે છે. તેનું યોગ્ય સંચાલન કરવું જાેઈએ. એ નોંધવું અગત્યનું છે કે, અમે માત્ર એક કે, બે વ્યક્તિઓની વાત નથી કરી રહ્યા, પરંતુ ૬૦૦,૦૦૦થી વધુ કર્મચારીઓની બનેલી સશસ્ત્ર દળની વાત કરી રહ્યા છીએ.