શ્રીમતી વી.ડી. ઘેલાણી મહિલા આર્ટ્સ કોલેજ સાવરકુંડલામાં એન.એસ.એસ. વિભાગ દ્વારા વન-ડે કેમ્પ યોજાયો.

શ્રી નૂતન કેળવણી મંડળ સંચાલિત શ્રીમતી વી.ડી.ઘેલાણી મહિલા આર્ટ્સ કોલેજમાં તારીખ ૨૮-૨-૨૪ ના રોજ એન.એસ.એસ વિભાગ દ્વારા વન-ડે કેમ્પનું આયોજન કરવામાં આવ્યું જેમાં કોલેજની સ્વયં-સેવિકા બહેનોએ કોલેજના તમામ ક્લાસરૂમ, ઓફિસરૂમો, સ્ટાફ રૂમ, લોબી,પ્રાર્થના હોલ,લાઇબ્રેરી, અગાસી તથા કોલેજના સમગ્ર મેદાનની ખૂબ સરસ સફાઈ કરી,આ કામગીરી માટે વિવિધ ટુકડીઓ પાડી હતી તેમના માર્ગદર્શક તરીકે કોલેજના સમગ્ર સ્ટાફે ખૂબ જહેમત ઉઠાવી હતી,જેમાં પ્રા. છાયાબેન શાહ, ડો. પ્રતિમાબેન શુક્લ,ડો. રુકસાનાબેન કુરેશી, ડો જાગૃતિબેન રાઠોડ, ડો.કિશનભાઇ વાળા, પ્રા. કે.બી. પટેલ વગેરેએ સતત સાથે રહી વિદ્યાર્થીનીઓને પ્રોત્સાહિત કર્યા હતાં. કોલેજના કાર્યકારી આચાર્યશ્રી ચાવડા સાહેબે કોલેજની વિદ્યાર્થીનીઓને તથા સમગ્ર સ્ટાફને ઉત્તમ કામગીરી બદલ બિરદાવ્યા હતાં અને જીવનમાં સ્વચ્છતા અને નિષ્ઠાપૂર્વકની કામગીરીનું મહત્વ વિશે પ્રેરક વિચારો રજૂ કર્યા હતાં, કોલેજના વહીવટી સ્ટાફે અને પ્યુન સ્ટાફે પણ પૂરો સહકાર આપેલો હતો, સમગ્ર કાર્યક્રમનું આયોજન એન એસ.એસ.ના પ્રો.ઓ.ડો. હરિતા જોશીએ કરેલ હતું.