પુરુષોને પણ ન્યાયની સમાન તક મળે તે માટે હ્યુમન રાઈટ્સ ફેડરેશનની ભારત સરકાર સમક્ષ રજૂઆત

ઇન્ટરનેશનલ પ્રેસિડેન્ટ શ્રી મહેન્દ્ર આયલાણીએ માનનીય વડાપ્રધાનશ્રી અને સંબંધિત સરકારી કચેરી સમક્ષ રજૂઆત કરીને માંગ કરી છે કે મહિલાઓની સુરક્ષા માટેના કાયદાઓની સાથે પુરુષોના અધિકારોનું પણ યોગ્ય રક્ષણ થાય.

ફરિયાદ કરનાર વ્યક્તિને ન્યાય મળવો જોઈએ, પરંતુ જેની સામે ફરિયાદ કરવામાં આવી હોય તેને પણ નિષ્પક્ષ તપાસ, પુરાવા રજૂ કરવાની તક અને ન્યાયી સુનાવણીનો અધિકાર મળવો જોઈએ. માત્ર આરોપના આધારે કોઈ વ્યક્તિને દોષિત માની લેવાને બદલે કાયદાકીય પ્રક્રિયા અને પુરાવાના આધારે નિર્ણય થવો જોઈએ.

HRFએ રજૂઆતમાં જાણીજોઈને ખોટી ફરિયાદ સાબિત થાય તેવા કિસ્સાઓમાં કાયદા મુજબ કાર્યવાહી, લાંબા સમયથી પડતર કેસોનો ઝડપી નિકાલ અને બંને પક્ષના અધિકારોનું રક્ષણ સુનિશ્ચિત કરવા માટે યોગ્ય પગલાં લેવા વિનંતી કરી છે.

શ્રી મહેન્દ્ર આયલાણીએ જણાવ્યું હતું કે:
“અમારી લડાઈ કોઈ મહિલા કે પુરુષની વિરુદ્ધ નથી. અમારી માંગ માત્ર એટલી છે કે ન્યાય દરેકને મળે. કોઈ મહિલા સાથે અન્યાય ન થવો જોઈએ અને કોઈ પુરુષ સાથે પણ અન્યાય ન થવો જોઈએ. ન્યાય વ્યક્તિનું લિંગ જોઈને નહીં, પરંતુ હકીકતો, પુરાવા અને કાયદાના આધારે થવો જોઈએ.”

HRF દ્વારા સરકારને આ મુદ્દે ગંભીરતાથી વિચારણા કરી ન્યાયી અને નિષ્પક્ષ કાયદાકીય વ્યવસ્થાને વધુ મજબૂત બનાવવા વિનંતી કરવામાં આવી છે.