લ્યો બોલો! અમરેલી જિલ્લાના સાવરકુંડલા શહેરમાં એકપણ CNG પંપ નથી: વાહનચાલકો ભારે પરેશાન.. રીવર ફ્રન્ટ સાથે આ સુવિધા પણ વહેલી તકે મળે એવું સીએનજી વાહન ધારકોની માંગ

અમરેલી જિલ્લાના અત્યંત મહત્વના શહેર એવા સાવરકુંડલામાં CNG વાહનચાલકો માટે એક મોટી વિકટ સમસ્યા છે. આ શહેરના દરરોજ અનેક  વાહનોની આવન-જાવન ધરાવતા આ શહેરમાં હજુ સુધી એકપણ સીએનજી પંપ ઉપલબ્ધ નથી, જેના કારણે સ્થાનિક નાગરિકો તેમજ મુસાફરો ભારે મુશ્કેલીનો સામનો કરી રહ્યા છે.  

​સાવરકુંડલા તાલુકા અને શહેરમાં સેંકડો લોકો પાસે CNG વાહનો (કાર, ઓટોરિક્ષા વગેરે) છે. આ ઉપરાંત, અહીંથી રોજના હજારો વાહનોની સતત અવરજવર રહે છે. આટલી મોટી સંખ્યા CNG વાહનોની  હોવા છતાં, સાવરકુંડલા શહેરમાં  એકપણ CNG પંપ ન હોવું એ ખૂબ જ આશ્ચર્યજનક અને ચિંતાજનક બાબત છે.  

*​શહેરમાં CNG પંપના અભાવે વાહન માલિકોએ ઇંધણ પૂરવા માટે સાવરકુંડલાથી આશરે ૩૦ કિલોમીટરની ત્રિજ્યામાં (દૂરના વિસ્તારોમાં) જવું પડે છે. આના કારણે વાહનચાલકોનો કિંમતી સમય તો બગડે જ છે, સાથે સાથે વધારાનું ઇંધણ પણ વેડફાય છે.*  

​સ્થાનિક CNG વાહન માલિકો અને રહીશોની માંગ છે કે સાવરકુંડલા શહેરમાં વહેલી તકે નવો CNG પંપ શરૂ કરવામાં આવે, જેથી હજારો વાહનચાલકોને થતી આ દૈનિક હાલાકીમાંથી કાયમી મુક્તિ મળી શકે.