દેશનાં વિવિધ રાજ્યો માટે ગત શનિવારનો દિવસ બહુ જ દર્દનાક સાબિત થયો હતો. દેશમાં વિવિધ રાજ્યોમાં દુર્ધટના બની હતી જેમાં ૪૦ લોકોનાં કરુણ મોત નિપજયા છે. કોલકાતામાં દુર્ગા પૂજા નિમિત્તે એકઠાં થયેલાં લોકોમાં ભાગદોડ મચી જવા પામી હતી જેમાં પ્રાપ્ત માહિતી અનુસાર ૧૯ લોકોનાં દબાઈ જવાથી મોત નિપજયા હતા. આ કરુણ ઘટનામાં મૃત્યુ પામેલાઓને પૂ બાપુએ શ્રધ્ધાંજલિ પાઠવી છે અને તેમનાં પરિવારજનોને રુપિયા પંદર હજાર લેખે કુલ મળીને રુપિયા ૨,૮૫,૦૦૦ ની સહાયતા રાશિ અર્પણ કરી છે.
ગ્વાલિયર દુર્ઘટનામાં શીતળામાના મંદિર બહાર દર્શન કરવા એકઠાં થયેલા લોકો પર એક ટ્રક ફરી વળતાં ૧૩ લોકોએ પોતાના પ્રાણ ગુમાવ્યા હતા ત્યારે પૂ બાપુએ આ હતભાગી લોકોનાં પરિવારને પણ રૂપિયા પંદર હજાર લેખે ૧,૯૫,૦૦૦ ની સહાયતા રાશિ અર્પણ કરી છે.
ગુજરાતમાં પણ અકુદરતી મોતનો સિલસિલો ચાલુ રહ્યો છે જેમાં ભરુચનાં વાગરા જીઆઈડીસીમાં આવેલા કારખાનામાં બોઈલર ફાટતાં ૪ લોકોનાં કરુણ મોત નિપજયા હતા. એ પછી ગાંધીનગરમાં છત્રાલમાં પણ બોઈલર ફાટતાં ૪ કામદારોનાં કરુણ મોત નિપજયા હતા. પૂ બાપુએ તમામ દિવંગત થયેલા લોકોનાં નિર્વાણ માટે પ્રાર્થના કરી છે અને તેમનાં પરિવારજનોને રુપિયા ૧,૨૦,૦૦૦ની સહાયતા રાશિ અર્પણ કરી છે. કુલ મળીને રુપિયા ૬ લાખ ની સહાયતા રાશિ મુંબઈ સ્થિત રામકથાના શ્રોતા દ્વારા મુખ્યમંત્રી રાહત ફંડ પહોંચાડવામાં આવી છે.
તેમ જયદેવ માંકડની યાદીમાં જણાવ્યું છે.
