સાવરકુંડલા નગરપાલિકાના પૂર્વ પ્રમુખશ્રી મેહુલભાઈ ત્રિવેદીના જન્મદિવસ નિમિત્તે શહેર અને સમગ્ર પંથકના રાજકીય, સામાજિક તેમજ બહોળા ચાહકવર્ગ દ્વારા જન્મદિવસની હાર્દિક શુભેચ્છાઓ પાઠવવામાં આવી રહી છે.
"સાચો કાર્યકર્તા હોદ્દાથી નહીં, પરંતુ પોતાના કાર્ય અને સમર્પણથી ઓળખાય છે" - આ સૂત્રને ચરિતાર્થ કરતા મેહુલભાઈ ત્રિવેદીએ હંમેશા ગ્રાઉન્ડ પર રહીને, હોદ્દાની અપેક્ષા રાખ્યા વિના અવિરતપણે એક સાચા કાર્યકર્તા તરીકે જનસેવાની જ્યોત પ્રજ્વલિત રાખી છે.
સંગઠન પ્રત્યેની તેમની અવિચળ નિષ્ઠા, સતત લોકોની વચ્ચે રહીને કાર્ય કરવાની ભાવના અને સેવાને જ સર્વોપરી માનવાનો તેમનો અભિગમ હંમેશાં અન્ય કાર્યકર્તાઓ માટે પ્રેરણારૂપ બની રહ્યો છે. નગરપાલિકાના પ્રમુખ તરીકેના પોતાના કાર્યકાળ દરમિયાન તેમણે હાથ ધરેલાં પ્રજાલક્ષી કાર્યો તેમજ પ્રમુખપદ બાદ પણ પ્રજાના પ્રશ્નો માટે સતત જાગૃત રહીને કરેલી કામગીરીની આજે પણ લોકો સરાહના કરી રહ્યા છે.
આ પ્રસંગે તેમના સ્નેહીજનો, સંગઠનના હોદ્દેદારો અને નાગરિકો દ્વારા ઈશ્વર પાસે તેઓ ઉત્તમ સ્વાસ્થ્ય, દીર્ઘાયુષ્ય અને સતત સફળતા પ્રાપ્ત કરે તથા તેમના હસ્તે જનસેવા અને સમાજઉત્કર્ષનાં અનેકવિધ કાર્યો અવિરતપણે થતાં રહે તેવી હૃદયપૂર્વકની પ્રાર્થનાઓ અને શુભકામનાઓ પાઠવવામાં આવી રહી છે.
