ભાવનગર સંજીવની એજ્યુકેશન એન્ડ ચેરિટેબલ ટ્રસ્ટ સંચાલિત સાર્વજનિક પુસ્તકાલય, ભાવનગર ખાતે દેશભક્તિની ભાવનાને પ્રોત્સાહન આપવા માટે તિરંગા વિતરણ કાર્યક્રમનું આયોજન કરવામાં આવ્યું હતું.
આ કાર્યક્રમ અંતર્ગત પુસ્તકાલયમાં અભ્યાસ કરવા આવતા વિદ્યાર્થીઓ તથા વાંચનપ્રેમી નાગરિકોને ભારતના રાષ્ટ્રધ્વજ તિરંગાનું વિતરણ કરવામાં આવ્યું હતું. તિરંગો સ્વીકારી સૌએ રાષ્ટ્ર પ્રત્યેના ગૌરવ અને સન્માનની લાગણી વ્યક્ત કરી હતી.
કાર્યક્રમ દરમિયાન પુસ્તકાલયના સભ્યો અને વિદ્યાર્થીઓમાં દેશભક્તિ, રાષ્ટ્રીય એકતા અને રાષ્ટ્રધ્વજ પ્રત્યે આદરની ભાવના કેળવાય તે માટે સંદેશ આપવામાં આવ્યો હતો. સમગ્ર કાર્યક્રમ ઉત્સાહભેર અને દેશભક્તિમય વાતાવરણમાં યોજાયો હતો.
સંજીવની એજ્યુકેશન એન્ડ ચેરિટેબલ ટ્રસ્ટ દ્વારા શિક્ષણ અને વાંચન સાથે રાષ્ટ્રપ્રેમ તથા સામાજિક જાગૃતિના સંદેશને લોકો સુધી પહોંચાડવાના હેતુથી આ કાર્યક્રમનું આયોજન કરવામાં આવ્યું હતું
Recent Comments