સાવરકુંડલામાં આજથી છ દિવસીય નિ:શુલ્ક એક્યુપ્રેશર સારવાર અને તાલીમ શિબિરનો પ્રારંભ

સાવરકુંડલા શહેર અને તાલુકાના નાગરિકોના સ્વાસ્થ્ય સુખાકારી માટે *સાવરકુંડલાના સંધિ ચોક સ્થિત ઘેલાણી નિવાસ ખાતે આવેલા હોલિસ્ટિક હેલ્થકેર સેન્ટર પર એક ભવ્ય અને નિ:શુલ્ક એક્યુપ્રેશર સારવાર તેમજ તાલીમ શિબિરનું આયોજન કરવામાં આવ્યું છે.* ‘દવા વિના દર્દ મુક્તિ તરફ એક કદમ’ ના ઉમદા સૂત્ર સાથે યોજાઈ રહેલી આ શિબિર આજ રોજ તારીખ 11 જૂન 2026 થી શરૂ થઈને આગામી તારીખ 16 જૂન 2026 સુધી ચાલશે.

​આ કેમ્પની મુખ્ય વિશેષતા એ છે કે *તેમાં મુંબઈના સુપ્રસિદ્ધ અને અનુભવી એક્યુપ્રેશર ગુરુજી શ્રી નવનીતભાઈ શાહ અને તેમની નિષ્ણાત ટીમ દ્વારા દર્દીઓને તપાસવામાં આવશે અને સારવાર આપવામાં આવશે.*

​વિવિધ અસાધ્ય રોગો માટે અક્સીર સારવાર

​આ શિબિરમાં કોઈપણ પ્રકારની દવા વગર, માત્ર શરીરના ઉર્જા કેન્દ્રોને સંતુલિત કરીને જટિલ રોગોમાંથી મુક્તિ અપાવવાનો પ્રયાસ કરવામાં આવશે. જેમાં ખાસ કરીને:

​ગરદન, ખભા, પીઠ અને કમરના દુખાવા

​સંધિવા, સાંધાનો તેમજ ગોઠણનો અસહ્ય દુખાવો અને સાંધાની જકડાઈ જવી

​જૂની શરદી, સાયનસ અને આધાશીશી (માથાનો દુખાવો)

​બ્લડ પ્રેશર (લોહીનું દબાણ) અને ડાયાબિટીસ (મધુપ્રમેહ)

​ગેસ, એસિડિટી, ઝાડા અને કબજીયાત જેવા પેટના રોગો

​અનિદ્રા, ચક્કર આવવા, ઉલટી થવી, પાંડુરોગ અને કંપવા (પાર્કિન્સન્સ)

*ઘેરબેઠા ઉપચાર માટે તાલીમ પણ આપવામાં આવશે ​કેમ્પમાં માત્ર સારવાર જ નહીં, પરંતુ લોકો ભવિષ્યમાં પણ નિરોગી રહી શકે તે માટે એક્યુપ્રેશર પદ્ધતિના મહત્વના પોઇન્ટ્સ સરળતાથી શીખવવામાં આવશે.*  આ માટેનો સમયપત્રક નીચે મુજબ રાખવામાં આવ્યો છે:

​સારવાર (ચેક-અપ) નો સમય: સવારે 09:00 થી બપોરે 12:00 વાગ્યા સુધી.

​સારવાર પદ્ધતિ શીખવવાનો (તાલીમ) સમય: બપોરે 03:00 થી સાંજના 06:00 વાગ્યા સુધી.

​સ્થળ: હોલિસ્ટિક હેલ્થકેર સેન્ટર, ઘેલાણી નિવાસ, સંધિ ચોક, સાવરકુંડલા.

​આ શિબિર તદ્દન નિ:શુલ્ક હોય, સાવરકુંડલા અને આસપાસના ગ્રામ્ય વિસ્તારના નાગરિકોને આ સુવર્ણ તકનો મહત્તમ લાભ લેવા આયોજકો દ્વારા હાર્દિક આમંત્રણ પાઠવવામાં આવ્યું છે. શિબિર અંગેની વધુ માહિતી કે પૂછપરછ માટે મોબાઈલ નંબર 81411 75281 પર સંપર્ક કરવા જણાવાયું છે.