તુર્કીમાં કાટમાળ નીચે દટાયેલા વિદ્યાર્થીએે શેર કર્યું લોકેશન, બચી ગયો જીવ…
![](https://citywatchnews.com/wp-content/uploads/2023/02/Page-10-1140x620.jpg)
તુર્કીમાં આવેલા પ્રચંડ ભૂકંપ પછી, ઇમારતો નીચે દટાયેલા લોકો કાટમાળના ઢગલામાં ફેરવાઈ ગયા હતા અને મદદની વિનંતી કરવા માટે સોશિયલ મીડિયા સાઇટ્સનું લોકેશન શેર કરીને તેમના જીવન બચાવવાનો પ્રયત્ન કર્યો હતો. જેના કારણે ઘણા લોકોને શોધી શકાયા હતા અને બચાવકર્મીઓ ઘણા લોકોના જીવ બચાવવામાં પણ સફળ થયા હતા. આવા જ એક વિદ્યાર્થીએ વોટ્સએપનો ઉપયોગ કર્યો, જેના પછી તેને અને તેની માતાને બચાવી શકાયા હતા. ૨૦ વર્ષીય વિદ્યાર્થી બોરાન કુબતને વોટ્સએપ પર વિડીયો અપીલમાં તેનું લોકેશન શેર કર્યા બાદ પૂર્વી તુર્કીમાં એક એપાર્ટમેન્ટના કાટમાળ નીચેથી બચાવી લેવામાં આવ્યો હતો. બોરાન કુબત તેની માતા સાથે ઇસ્તંબુલથી માલત્યા આવ્યો હતો.
આથી આ પરિવાર સોમવારે આવેલા ભયંકર ડબલ ભૂકંપની ઝપેટમાં આવી ગયા હતા. સવારે પ્રથમ ધરતીકંપમાં બચી ગયા બાદ પરિવાર ફરી બિલ્ડીંગમાં પ્રવેશ્યો હતો. જ્યારે ૭.૫ની તીવ્રતાના ભૂકંપ બાદ ઇમારત ધરાશાયી થઇ હતી. એપાર્ટમેન્ટના કાટમાળ નીચે તેના સંબંધીઓ સાથે ફસાયેલા, બોરાન કુબતે તેના મિત્રોને ચેતવણી આપવા માટે તેના સ્માર્ટફોન પર સોશિયલ મીડિયાનો ઉપયોગ કર્યો. બોરાને મદદની વિનંતી કરતો વિડિયો સંદેશ રેકોર્ડ કરવા અને તેનું સ્થાન શેર કરવા માટે ઉરટ્ઠંજછॅॅનો ઉપયોગ કર્યો હતો. બોરાન કુબતે કહ્યું કે ‘જે કોઈ આ વોટ્સએપ લોકેશન જુએ છે, કૃપા કરીને આવીને મદદ કરો. દરેક જણ મહેરબાની કરીને હવે આવો અને અમને બચાવો.’
ત્યારે બચાવકર્તાઓએ પરિવારને શોધી કાઢ્યો અને બોરન અને તેની માતાને કાટમાળ નીચેથી બચાવી લીધા. બોરાને તુર્કીની સરકારી સમાચાર એજન્સીને જણાવ્યું કે, તેના મિત્રોને ચોક્કસ સ્થળ શોધવા માટે હથોડી વડે ચારથી પાંચ વખત પ્રયાસ કરવો પડ્યો. તેણે એમ પણ કહ્યું કે, તેના કાકા અને દાદી તે પછી પણ ફસાયેલા રહ્યા. જાેકે, સોશિયલ મીડિયામાં સીરિયા અને તુર્કીમાં ભૂકંપગ્રસ્ત વિસ્તારોમાં ફસાયેલા પીડિતો માટેની તાત્કાલિક મદદની અપીલથી ભરાઈ ગયું હતું.
Recent Comments