સિંગાપોર જતી ક્રૂઝમાંથી ગુમ થયેલી ભારતીય મહિલાનું મોતપુત્રએ સો.મીડિયા દ્વારા માહિતી આપી

મલેશિયાના ઉત્તરી ટાપુ રાજ્ય પેનાંગથી સિંગાપોર જઈ રહેલા ક્રુઝ શિપમાંથી સોમવારે ગુમ થયેલી ભારતીય મહિલાનું મૃત્યુ થયું છે. આ અંગે મહિલાના પુત્રએ સોશિયલ મીડિયા દ્વારા જાણકારી આપી હતી. રીટા સાહની, એક ૬૪ વર્ષીય મહિલા, અને તેના પતિ ઝકેશ સાહની (૭૦ વર્ષ) સોમવારે સ્પેક્ટ્રમ ઓફ ધ સીઝ પર બેસીને પેનાંગથી સિંગાપોર પરત ફરી રહ્યા હતા. આ કપલની ચાર દિવસીય ક્રુઝ ટ્રીપનો છેલ્લો દિવસ હતો. મહિલાના પુત્ર વિવેક સાહનીએ એક ઈન્સ્ટાગ્રામ પોસ્ટમાં લખ્યું, ‘પ દુર્ભાગ્યવશ અમને ખબર પડી કે મારી માતાનું નિધન થઈ ગયું છે. તમને વિનંતી કરવામાં આવે છે કે અમારી ગોપનીયતાનું ધ્યાન રાખો કારણ કે અમે તેમના નિધનથી દુઃખી છીએપ.’ તેમણે મદદ માટે વિદેશ મંત્રાલય અને વિદેશ મંત્રી એસ જયશંકર અને ભારતીય હાઈ કમિશનનો પણ આભાર માન્યો. વિવેકે કહ્યું કે વિડંબના એ છે કે આજે માતાનો પણ જન્મદિવસ છે. ભારતીય હાઈ કમિશને કહ્યું કે તે શોકગ્રસ્ત પરિવારના સંપર્કમાં છે

અને પરિવારના સભ્યો માટે વિઝાની સુવિધા આપી રહ્યું છે. અગાઉ મંગળવારે શ્રેણીબદ્ધ ટ્‌વીટ્‌સમાં, મિશન જણાવ્યું હતું કે ‘દુર્ભાગ્યપૂર્ણ ઘટનાના સમાચાર અમારા સુધી પહોંચ્યા ત્યારથી તે સાહની પરિવારના સતત સંપર્કમાં છે’. હાઈ કમિશન સંબંધિત મુદ્દાઓને ઉકેલવા માટે સિંગાપોરના અધિકારીઓ સાથે પણ નજીકના સંપર્કમાં છે અને કાનૂની પ્રક્રિયાઓને સરળ બનાવી રહ્યું છે. મિશનએ કહ્યું કે તેણે તમામ સહયોગ આપવા માટે રોયલ કેરેબિયન ક્રૂઝ કંપનીના ભારતના વડાનો પણ સંપર્ક કર્યો છે. હાઈ કમિશને કહ્યું હતું કે, ‘અમે આ મુશ્કેલ સમયમાં પરિવારને ટેકો આપવા માટે સંપૂર્ણપણે પ્રતિબદ્ધ છીએ.’ સિંગાપોર સ્ટ્રેટ મલાક્કા સ્ટ્રેટ અને દક્ષિણ ચીન સમુદ્ર વચ્ચે ૧૧૩ કિમી લાંબો અને ૧૯ કિમી પહોળો એક વ્યસ્ત શિપિંગ માર્ગ છે. મેરીટાઇમ એન્ડ પોર્ટ ઓથોરિટી ઓફ સિંગાપોર (સ્ઁછ) એ સિંગાપોરના પ્રાદેશિક પાણીમાં શોધમાં મદદ કરવા માટે બે પેટ્રોલિંગ જહાજાે તૈનાત કર્યા છે, જ્યારે ૨૨ કોમર્શિયલ જહાજાે પણ ગુમ થયેલા પેસેન્જરની શોધમાં મદદ કરી રહ્યાં છે, ચેનલ ન્યૂઝ એશિયાએ અહેવાલ આપ્યો છે. મેરીટાઇમ રેસ્ક્યુ કોઓર્ડિનેશન સેન્ટર (સ્ઇઝ્રઝ્ર) સિંગાપોર પણ ઈન્ડોનેશિયાની શોધ અને બચાવ એજન્સી, બદન નેશનલ પેન્કેરિયન ડેન પેર્ટોલોંગન (મ્જીછઇછદ્ગછજી) સાથે શોધ અને બચાવ કામગીરીનું સંકલન કરી રહ્યું છે.