ગુજરાતના વલસાડ જિલ્લાના ઉમરગાવ તાલુકાના ઝરોલી ગામ પાસે બુલેટ ટ્રેનની ટનલ તૈયાર
![](https://citywatchnews.com/wp-content/uploads/2023/10/File-02-Page-14-2-1140x620.jpg)
અમદાવાદ-મુંબઈ હાઈ સ્પીડ રેલ કોરિડોર એટલે કે, બુલેટ ટ્રેન પ્રોજેક્ટમાં વધુ એક સફળતા મળી છે. આ પ્રોજેક્ટની પહેલી પર્વતીય ટનલનું બ્રેકથ્રૂ કરવામાં આવ્યું છે. આ ટનલ માત્ર ૧૦ મહિનામાં જ તૈયાર કરવામાં આવી છે. ગુજરાતના વલસાડ જિલ્લાના ઉમરગાવ તાલુકાના ઝરોલી ગામ પાસે આ ટનલ બનાવામાં આવી છે.આ ટનલની લંબાઈ ૩૫૦ મીટર છે. તેના વ્યાસની વાત કરવામાં આવે તો તે ૧૨.૬ મીટરનો છે. તેમજ ટનલની ઉંચાઈ ૧૦.૨૫ મીટર છે. આ ટનલમાં કુલ ૨ ટ્રેક બનાવામાં આવશે. ઉલ્લેખનીય બાબત એ છે કે, આ ટનલનું નિર્માણ ન્યુ ઓસ્ટ્રિયન ટનલીંગ મેથડથી કરવામાં આવ્યું છે. નેશનલ હાઈ સ્પીડ રેલ કોર્પોરેશન લિમિટેડ દ્વારા કામ ચાલુ કરવામાં આવ્યુ છે. અમદાવાદથી મુંબઈ બુલેટ ટ્રેન પ્રોજેક્ટના રૂટમાં આ પ્રકારની કુલ ૭ પર્વતીય ટનલનો સમાવેશ થાય છે.
Recent Comments