સાવરકુંડલા શહેરમાં વોર્ડ નંબર પાંચ ખાતે આવેલ નાગનાથ સોસાયટી અને શિવશક્તિ સોસાયટીમાં પીવાના પાણી વિતરણમાં અનિયમિતતા

જળ એ જીવન છે અને સાવરકુંડલા શહેરમાં દાર આધારિત પાણી પુરવઠા વિતરણ વ્યવસ્થા દ્વારા શહેરના જુદા જુદા વિસ્તારોમાં પાણી પુરવઠો પૂરો પાડવામાં આવે છે. ત્યારે સાવરકુંડલાના નાગનાથ સોસાયટી ખાતે અવારનવાર પાણીની મોટર કે વાયરિંગ બળી જવું કે જે કંઈ ટેકનીકલ ખામીને કારણે છતે પાણીએ લોકોને પાણી માટે વલખાં મારવા પડે તે તંત્ર માટે પણ ચિંતનનો વિષય. આવી ઘટનાઓ વારંવાર થતી હોય તો તેનું યોગ્ય નિદાન કરી યોગ્ય કાર્યવાહી કરવી જોઈએ જેથી પાણી પુરવઠા વિતરણમાં છતે પાણીએ કોઈ વિક્ષેપ ન સર્જાય. હા, વાપરવાનું પાણી તો લોકો કેમ કરીને ચલાવી લે પરંતુ પીવાના પાણી માટે શું? જો કે તંત્ર જ્યારે પાણી વેરો લે છે ત્યારે કુશળ ઓપરેટર દ્વારા પણ આવી પરિસ્થિતિ નિવારી શકાય નહિ? એવો સવાલ સ્થાનિકોમાં ચર્ચાઈ રહ્યો છે.