સાવરકુંડલામાં ૭૫૦થી વધુ વિદ્યાર્થીઓની ભાગીદારી સાથે ભવ્ય ‘સંસ્કૃત ગૌરવ યાત્રા’ યોજાઈ

ભારતીય સંસ્કૃતિ અને સંસ્કૃત ભાષાના જતન તથા પ્રચાર અર્થે ‘સંસ્કૃત સપ્તાહ’ નિમિત્તે સાવરકુંડલા ખાતે ભવ્ય ‘સંસ્કૃત ગૌરવ યાત્રા’નું આયોજન કરવામાં આવ્યું હતું. શૈક્ષણિક, સામાજિક અને ધાર્મિક સંસ્થાઓના સહયોગથી નીકળેલી આ યાત્રાએ શહેરમાં સાંસ્કૃતિક જાગૃતિનો નવો સંચાર કર્યો હતો. એસ. વી. દોશી ગર્લ્સ હાઈસ્કૂલ ખાતેથી પ્રારંભ થઈ શહેરના મુખ્ય માર્ગો પર ફરીને યાત્રા જે.વી. મોદી હાઈસ્કૂલના ગ્રાઉન્ડ ખાતે સંપન્ન થઈ હતી.

​આ યાત્રામાં ૭૫૦થી વધુ વિદ્યાર્થીઓએ શિસ્તબદ્ધ રીતે ભાગ લીધો હતો. પ્રાચીન વારસો અને સંસ્કૃતના વૈજ્ઞાનિક મહત્વને દર્શાવતી ૭ જીવંત ઝાંખીઓ (ટેબ્લો) આકર્ષણનું કેન્દ્ર બની હતી.

​યાત્રાના અંતે તમામ સહભાગી બાળકો માટે સાત્વિક અલ્પાહારની વ્યવસ્થા કરવામાં આવી હતી.